नेपालगञ्जको 'मेयर'को चर्चामा सफिक बेहना

राजनीति

गृहपृष्ठ
राजनीति
नेपालगञ्जको 'मेयर'को चर्चामा सफिक बेहना

नेपालगञ्जको 'मेयर'को चर्चामा सफिक बेहना

बिहीबार, माघ २७, २०७८ बागेश्वरी पोस्ट

मो. सफिक बेहना

नेपालगञ्ज । २०७९ बैशाख ३० गते स्थानीय तहको निर्वाचनको मिति घोषणा भएपछि राजनीतिक बृत्तमा उम्मेदवारहरुको चर्चा शुरु भएको छ । राजनीतिक दलका नेताहरुमा चुनावी सरगर्मी सुरु हुँदा नेपालगञ्ज उपमहानगरपालिकाको मेयर पदमा पनि विभिन्न व्यक्तिहरुको चर्चा परिचर्चा सुरु भएको छ ।

नेपालगञ्जको मेयरमा नेपालगञ्ज वडा नम्बर ४ का वडा अध्यक्ष मोहम्मद सफिक बेहनाको पनि चर्चा सुनिन थालेको छ । आगामी स्थानीय तहको निर्वाचनमा उनलाई मेयर पदमा उम्मेदवारी दिन नागरिक स्तरबाट दबाब आउन थालेको छ । कोरोनाको संकट सुरु भएको दिनदेखि नै कोरोना रोकथाम, उद्धार, उपचार र राहत वितरणमा अब्बल साबित भएका बेहना जनताको मनमस्तिष्क र ह्रदयमा बस्न सफल भएको नागरिकहरु बताउँछन् ।

स्थानीय नागरिकहरु भन्छन्, "वडा अध्यक्ष बेहनाले नागरिकलाई निःशुल्क उद्धार, दीर्घरोगीहरुलाई निःशुल्क औषधि वितरण, गरिब तथा न्यून आय भएका किसान मजदुरहरुलाई खाद्यन्न लगायत आवश्यक सामग्रीहरु वितरण गर्दै आउनुभएको छ, कोरोनाको दोस्रो लहरमा पनि त्यसबाट प्रभावित नागरिकहरुलाई सङ्क्रमणबाट बचाउन वडामै आइसोलेसन अस्पताल सञ्चालन गरी उपचार गर्नुका साथै भेरी अस्पतालमा अक्सिजन नपाएर कोरोना संक्रमितहरुको मृत्यु हुन सुरु भएको जानकारी पाउने बित्तिकै अस्पताललाई नगद २ लाख रुपैयाँ अक्सिजन खरिदका लागि प्रदान गर्नुभयो, उहाँ जनताको सेवक हो, अब उहाँ मेयर लड्न तयार हुनुपर्दछ।"

उनले गर्दै आएको मानवीय कार्यले जनताहरु मेयर बनेको देख्न उत्साहित रहेको उनका वडाबासीहरु बताउँछन् । उनले असम्भव मानिएको नेपालगञ्ज ४ को शहरी स्वास्थ्य प्रवद्र्धन केन्द्रको निर्माणदेखि शिक्षासंगै सडक, नाला, फोहर व्यवस्थापनको काम फिल्मी शैलीमा सम्पन्न गरेर वडालाई नमूना बनाउने काम गरेको वडाबासीको तर्क छ ।

वडा अध्यक्ष बेहनाले पनि मेयरमा उठ्न जनताको दबाब धेरै रहेको बताउँदै पार्टीले टिकट दिए आउने स्थानीय तहको निर्वाचनमा नेपालगञ्ज उपमहानगरपालिकाको मेयर पदका लागि चुनाव लड्ने बताए । आगामी निर्वाचनमा उनले आफ्नो उम्मेद्वारीको विषयमा खुलेर प्रकट नगरेपनि भित्री इच्छा भने मेयर नै रहेको कार्यकर्ताहरु बताउँछन् । स्थानीय सुरेश खत्री भन्छन्, "निःशर्त एक कार्यकाल बेहनालाई नै निर्वाचित गराउनुपर्छ । राप्रपाले उनलाई टिकट दिनु उपयुक्त हुन्छ ।"

प्रकाशित मिति: बिहीबार, माघ २७, २०७८ १४:३६

प्रतिक्रिया दिनुहोस्