गृहनगर नेपालगञ्जमा यसरी सम्झिइए 'संविधान पिता' सुशील कोइराला

राजनीति

गृहपृष्ठ
राजनीति
गृहनगर नेपालगञ्जमा यसरी सम्झिइए 'संविधान पिता' सुशील कोइराला

गृहनगर नेपालगञ्जमा यसरी सम्झिइए 'संविधान पिता' सुशील कोइराला

बिहीबार, माघ २७, २०७८ बागेश्वरी पोस्ट

नेपालगञ्ज । नेपाली कांग्रेसका पूर्व सभापति एवम् पूर्व प्रधानमन्त्री सुशील कोइरालालाई गृहनगर नेपालगञ्जमा 'सम्झना' गरिएको छ । उनको सातौं स्मृति दिवसका अवसरमा नेपाली कांग्रेस बाँकेले आज नेपालगञ्जस्थित पार्टी कार्यालयमा आयोजना गरेको कार्यक्रममा नेताहरुले उनको 'सम्झना' गरेका हुन् । नेताहरुले कोइरालाको फोटोमा माल्यार्पण गरेका थिए ।

कार्यक्रममा उनको व्यक्तित्व र योगदानबारे चर्चा गरिएको थियो । उनी नेपालको प्रधानमन्त्री हुँदा नै संविधानसभाबाट २०७२ सालमा नयाँ संविधान जारी गरेकाले उनलाई संविधान पिताको नामबाट समेत सम्बोधन गर्ने गरिन्छ । "चार-चार जना कम्युनिष्ट प्रधानमन्त्रीले संविधानसभाबाट संविधान जारी गर्न नसकेका बेला कोइरालाको दृढता र इच्छाशक्तिले नै संविधान जारी हुन सकेको हो, देशी विदेशी शक्तिको अवरोध र अनिच्छाका बाबजुद सुशील दा'ले संविधान जारी गर्नुभएको हो, उहाँ नेपाली राजनीतिको विशेष पात्र हो," नेताहरुले उनको स्मरण गर्दै भने-"सुशील दा'बाँकेको शान र इज्जत हुनुहुन्थ्यो ।"

No description available.

कार्यक्रममा बोल्दै नेताहरुले त्याग, समर्पण र निष्ठाका प्रतिमूर्ति कोइराला सादगी जीवनशैलीका अनुपम नमुना भएको बताए । कोइराला नेपाली राजनीतिका अग्ला व्यक्तित्व भएको र उनीबाट समकालीन राजनीतिज्ञहरुले धेरै कुरा सिक्न जरुरी रहेको बक्ताहरुले औंल्याए ।

कार्यक्रममा पार्टी सभापति किरण कोइराला, संविधानसभा सदस्य बादशाह कुर्मी, लुम्बिनी प्रदेश कमिटी सदस्य टेकनारायण भुषाल, क्षेत्र नम्बर २ का क्षेत्रीय सभापति रमेश कुमार गुप्ता, महाधिवेशन प्रतिनिधि अजित कुमार शर्मा, नेपालगञ्ज नगर सभापति प्रशान्त विष्ट, अधिवक्ता प्रल्हाद बहादुर कार्कीले कोइरालाका बारेमा चर्चा गरेका थिए ।

सुशील कोइरालाको स्मृति दिवसका अवसरमा भोली नेपालगञ्जमा कार्यक्रम

पार्टी सचिव तप्त पौडेलले सञ्चालन गरेको कार्यक्रममा लुम्बिनी प्रदेश कमिटी सदस्यहरु अञ्जना पाण्डे, दिक्षा कोइराला, नेताहरु नारायण गौडेल, लक्ष्मीनारायण शाह, भानुभक्त भट्टराई, प्रदेशसभा क्षेत्र नम्बर १ (ख) का सभापति बलराम शर्मा, कोहलपुर नगर सभापति विरेन्द्र कुमार शाह, नेपालगञ्ज १२ का वडा अध्यक्ष बुद्धिसागर सुवेदी लगायत नेता कार्यकर्ताको उपस्थिति थियो ।

कोइरालाको २०७२ साल माघ २६ गते निधन भएको थियो । कोइराला २०७० सालको दोस्रो संविधानसभा चुनावमा बाँके क्षेत्र नम्बर २ बाट निर्वाचित भएर प्रधानमन्त्री बनेका थिए ।

प्रकाशित मिति: बिहीबार, माघ २७, २०७८ १६:३२

प्रतिक्रिया दिनुहोस्