तुलसीपुरको एक गोदाममा आगलागी हुँदा ५ जनाको मृत्यु

समाचार

गृहपृष्ठ
समाचार
तुलसीपुरको एक गोदाममा आगलागी हुँदा ५ जनाको मृत्यु

तुलसीपुरको एक गोदाममा आगलागी हुँदा ५ जनाको मृत्यु

शुक्रबार, माघ २८, २०७८ बागेश्वरी पोस्ट

नेपालगञ्ज । दाङ तुलसीपुरस्थित एक जुत्ताचप्पल गोदाममा आगलागी हुँदा पाँच जनाको मृत्यु भएको छ ।

मृतक मध्ये ४ जना बालबालिका रहेको इलाका प्रहरी कार्यालय तुलसीपुरका प्रमुख डिएसपी श्यामु अर्यालले बताए । मृत्यु हुनेमा करिब ५ वर्षका अबिददिन अली, करिब १३ वर्षीया सजिता खातुन, करिब १४ वर्षीय हसन बकस, करिब १५ वर्षीय मसिन बकस र करिब ४० वर्षीय नजरदिन अली छन् ।

तुलसीपुर उपमहानगरपालिका वडा नम्बर ५ ‘ङ’ लाइनस्थित इरम फुटवेयर जुत्ताचप्पल गोदाममा शुक्रबार बिहान २ बजेतिर आगो लाग्दा ५ जनाको निसास्सिएर मृत्यु भएको थियो ।

इलाका प्रहरी कार्यालय तुलसीपुर, नेपाली सेना, सशस्त्र प्रहरी, स्थानीय तथा तुलसीपुर र घोराही उपमहानगरपालिकाको दमकलले बिहान ७ बजेतिर आगो नियन्त्रणमा लिएको थियो ।

करिब ५ घन्टापछि मात्र आगो नियन्त्रणमा आएको हो । विद्युत सर्ट भएर आगो लागेको हुन सक्ने प्रहरीको प्रारम्भिक अनुमान छ ।