नेपालगञ्ज वडा नं ४ को अध्यक्षमा बिरेन्द्र कुमार रावतको चर्चा

राजनीति

गृहपृष्ठ
राजनीति
नेपालगञ्ज वडा नं ४ को अध्यक्षमा बिरेन्द्र कुमार रावतको चर्चा

नेपालगञ्ज वडा नं ४ को अध्यक्षमा बिरेन्द्र कुमार रावतको चर्चा

आइतबार, फागुन १, २०७८ बागेश्वरी पोस्ट

बिरेन्द्र कुमार रावत

नेपालगञ्ज । २०७९ बैशाख ३० गते स्थानीय तहको निर्वाचनको मिति घोषणा भएपछि राजनीतिक बृत्तमा उम्मेदवारहरुको चर्चा शुरु भएको छ । राजनीतिक दलका नेताहरुमा चुनावी सरगर्मी सुरु हुँदा नेपालगञ्ज उपमहानगरपालिकाको मेयर लगायत वडा अध्यक्ष पदमा पनि विभिन्न व्यक्तिहरुको चर्चा परिचर्चा सुरु भएको छ ।

नेपालगञ्जको वडा नम्बर ४ मा राप्रपाका युवा नेता बिरेन्द्र कुमार रावतले उम्मेदवारी दिने घोषणा गरेका छन् । उनले राप्रपाको बिद्यार्थी संगठन हुँदै पार्टीको राजनीति गरिरहेका छन् । ४ कार्यकाल जिल्ला सदस्य पदमा बसेर काम गरेका रावत नेपालगञ्जका मेयर डा. धवल शमशेर राणासँग नजिक भएर कार्य गर्दा जनताको मनमस्तिष्क र ह्रदयमा बस्न सफल भएको नागरिकहरु बताउँछन् ।

स्थानीय नागरिकहरु भन्छन्, " युवा नेता रावतले पार्टीप्रति गरेको योगदान र मेयरको स्वकीय सचिव पदमा बसेर वडा नम्बर ४ को बिकासे काममा समेत धेरै टेवा पुर्याएको हुँदा अब उनी नै वडा अध्यक्ष लड्न तयार हुनुपर्दछ।"

सबैसँँग मिलेर एकताको सन्देश दिने छवि बनाएका युवा नेता रावत एक बौद्धिक व्यक्ति समेत हुन् । बिद्यार्थी संगठनका विभिन्न पदमा बसेर राजनीति गरेका युवा नेता रावतले आफूले चुनाव जिते वडामा बर्तमान अध्यक्ष मो. सफिक बेहनाझै डटेर कार्य गर्दै नमुना वडा बनाउने बताए ।

वडा अध्यक्ष पदमा उठ्न जनताको दबाब धेरै रहेको बताउँदै पार्टीले टिकट दिए आउने स्थानीय तहको निर्वाचनमा नेपालगञ्ज उपमहानगरपालिका वडा नम्बर ४ को वडा अध्यक्ष पदका लागि चुनाव लड्ने उनले बताए ।

प्रकाशित मिति: आइतबार, फागुन १, २०७८ १३:४५

प्रतिक्रिया दिनुहोस्