बाँके कांग्रेसको उपसभापति लड्ने सुरेन्द्रनाथ सापकोटाको घोषणा

राजनीति

गृहपृष्ठ
राजनीति
बाँके कांग्रेसको उपसभापति लड्ने सुरेन्द्रनाथ सापकोटाको घोषणा

बाँके कांग्रेसको उपसभापति लड्ने सुरेन्द्रनाथ सापकोटाको घोषणा

सोमबार, फागुन २, २०७८ बागेश्वरी पोस्ट

नेपालगञ्ज । नेपाली कांग्रेस बाँकेको फागुन १३ गते हुने जिल्ला अधिवेशनका लागि उम्मेदवारी घोषणा गर्ने क्रम तीब्र बनेको छ । दिनहुँजसो उम्मेदवारी घोषणा गर्ने क्रम चलिरहेको छ । पदाधिकारीसहित सदस्य पदको उम्मेदवार बन्ने नेता कार्यकर्ताको सूची लामै छ । कतिले प्यानलसहित उम्मेदवारी घोषणा गरिसकेका छन् भने कतिले व्यक्तिगतरुपमा उम्मेदवारी घोषणा गरेका छन् ।

यसै क्रममा नेता सुरेन्द्रनाथ सापकोटाले उपसभापतिमा उम्मेदवारी दिने घोषणा गरेका छन् । पार्टीको विभिन्न जिम्मेवारीमा बसेर काम गरिसकेका सापकोटासंग नेपालगञ्ज नगर सभापतिदेखि जिल्ला कार्यसमिति सचिव भएर काम गरेको अनुभव छ । २०५७ सालमा नेपालगञ्ज नगर सभापति भएर चार बर्ष काम गरेका सापकोटा २०६१ मा तत्कालीन वडा नम्बर २ को वडा सभापति भएका थिए । त्यही बेला उनी कांग्रेसको बाँके जिल्ला सचिव पनि बनेका थिए । त्यसबेला उनले पार्टीमा दोहोरो जिम्मेवारी निभाएका थिए ।

२०६६ सालमा तत्कालीन क्षेत्र नम्बर ३ को क्षेत्रीय सभापति निर्वाचित भएर काम गरेका सापकोटाकै बेलामा स्वर्गीय पूर्व पार्टी सभापति एवम् पूर्व प्रधानमन्त्री सुशील कोइराला यही क्षेत्रबाट प्रतिनिधिसभामा निर्वाचित भएर प्रधानमन्त्री बनेका थिए । २०६२६३ को जनआन्दोलनमा पार्टी सचिवका हैसियतले सक्रिय भूमिका निभाएका सापकोटा आन्दोलन गर्ने क्रममा गिरफ्तारमा परी तीन महिना जेल समेत बसेका थिए ।

No description available.

पदमा रहँदा नरहँदा पार्टी जीवनमा सक्रिय सापकोटाले आसन्न जिल्ला अधिवेशनमा उपसभापति पदमा उम्मेदवारी दिने बताएका छन् । सक्षम, सुदृढ र गतिशील कांग्रेस बनाउन आफ्नो उम्मेदवारी रहेको सापकोटा बताउँछन् । उम्मेदवारी घोषणा गर्दै उनले आफूलाई विजयी बनाउन आग्रह गरेका छन् ।

आइएस्सीसम्म अध्ययन गरेका सापकोटा हाल नेपालगञ्ज उपमहानगरपालिका वडा नम्बर १२ का बासिन्दा हुन् । उनी पूर्व शिक्षक समेत हुन् ।

No description available.