बाँके कांग्रेस अधिवेशनः 'क्लिन फिगर' बेगर छैन चुनावी चटारो 'क्लाइमेक्समा'

राजनीति

गृहपृष्ठ
राजनीति
बाँके कांग्रेस अधिवेशनः 'क्लिन फिगर' बेगर छैन चुनावी चटारो 'क्लाइमेक्समा'

बाँके कांग्रेस अधिवेशनः 'क्लिन फिगर' बेगर छैन चुनावी चटारो 'क्लाइमेक्समा'

मंगलबार, फागुन ३, २०७८ बागेश्वरी पोस्ट

नेपालगञ्ज । नेपाली कांग्रेस बाँकेको जिल्ला अधिवेशन नजिकै आइसक्दा पनि उम्मेदवारहरुको 'क्लिन फिगर' बाहिर नआउँदा चुनावी चटारो 'क्लाइमेक्स'मा पुग्न सकिरहेको छैन । फागुन १३ गतेका लागि तय भएको निर्वाचन आउन अब १० दिन मात्र बाँकी छ । एउटा पक्ष उम्मेदवारहरुको दलबलसहित मतदाता भेट्न घरदैलोमा व्यस्त रहँदा अर्को पक्ष भने उम्मेदवारको टुंगो लगाउन नसक्दा अन्योलग्रस्त देखिन्छ ।

संस्थापइतर पक्षका मानिने नारायणप्रसाद गौडेल आफ्नो नेतृत्वको टिमका साथ घरदैलोमा पुगिरहेका छन्, क्षेत्रीय प्रतिनिधिलाई भेटेर जिताउन आग्रह गरिरहेका छन् । गौडेल नेतृत्वको टिम पुसको मध्यदेखि नै अविछिन्न प्रचारप्रसारमै छ ।

No description available. तर, संस्थापन पक्षका उम्मेदवारहरुको टुंगो नलाग्दा चिया गफमा अनुमान गर्नु बाहेक अर्को थोक हुन सकेको छैन । संस्थापन पक्षका एक नेताले ५ गतेसम्ममा सभापतिसहित सबै उम्मेदवारको टुंगो लाग्ने दाबी गरेका छन् । तर, सभापतिमा आकांक्षीको लर्को रहेकाले उम्मेदवारीको विषय फलामको चिउरा चपाउनु सरह भएको कार्यकताहरु बताउँछन् । आफ्नो समूहबाट ठोस निर्णय हुन नसक्दा आकांक्षहरुले खुलेर भोट माग्न सकिरहेका छैनन् ।

एक जना नेताले भने-"कतिपयलाई आज प्रचार गरौं, भोली टिकट नपाइने हो कि, टिममा नपरिने पो हो कि भन्ने चिन्ता छ, अर्कोतर्फ चुप लागेर बस्दा आफ्नो प्रचारप्रसार नपुग्ने हो कि भन्ने भय पनि छ ।" सभापतिकै टुंगो नलाग्दा अन्य पदका आकांक्षीहरु पनि खुलेर आउन सकेका छैनन् । यद्यपी व्यक्तिगत ढंगले आफ्नो उम्मेदवारी भने प्रकट गरिरहेकै छन् । संस्थापन इतरका सभापतिका उम्मेदवार गौडेलको प्यानलबाट उपसभापतिमा गोपाल प्रसाद अधिकारी र राजकुमार मौर्य, सचिव सुधांशु कोइराला र टंकप्रसाद काफ्ले (आशिष) तथा सहसचिवमा रेणु सिंह ठाकुर र विश्वराज लम्साल उम्मेदवार छन् ।

No description available.

तर, संस्थापन पक्षको टुंगो छैन । बादशाह कुर्मी, सुरेन्द्र हमाल, सुनिलनरसिंह राणा, निरञ्जनसिंह सिजापति, राजकुमार बर्मा र लक्ष्मीनारायण शाह सभापतिको दौडमा छन् । यद्यपी यी मध्ये कुर्मीको सम्भावना बलियो भएको बताइन्छ । तर, सहमति नभए यो समूहबाट सभापतिमा कम्तीमा तीन जना उम्मेदवार हुने सम्भावना पनि उत्तिकै रहेको नेताहरु बताउँछन् । उपसभापतिमा अहिलेसम्म सुरेन्द्रनाथ सापकोटाले उम्मेदवारी घोषणा गरेका छन् । उनी बाहेक रविन्द्र हमालको पनि चर्चा छ । सचिवमा निम बहादुर चलाउने (निरज) ले उम्मेदवारी घोषणा गरेका छन् । उनी बाहेक मेघराज ओली, रुद्र बहादुर ओली पनि सचिवका आकांक्षी हुन् । सहसचिवमा पुरनसिंह ठकुरीले पनि उम्मेदवारी घोषणा गरेका छन् ।

No description available.

गौडेल समूहका सदस्यका उम्मेदवार पनि मतदाता भेट्न व्यस्त छन् । तर, संस्थापनका आकांक्षीले व्यक्तिगत ढंगले प्रचार थालेपनि टिममा परिने हो कि होइन भन्ने सन्देहका कारण प्रबल ढंगले मुखरित हुन सकेका छैनन् ।

प्रकाशित मिति: मंगलबार, फागुन ३, २०७८ ११:१७

प्रतिक्रिया दिनुहोस्