एमसीसी जबरजस्ती अघि बढाए गठवन्धन तोड्ने माओवादी केन्द्रको चेतावनी

राजनीति

गृहपृष्ठ
राजनीति
एमसीसी जबरजस्ती अघि बढाए गठवन्धन तोड्ने माओवादी केन्द्रको चेतावनी

एमसीसी जबरजस्ती अघि बढाए गठवन्धन तोड्ने माओवादी केन्द्रको चेतावनी

बुधबार, फागुन ४, २०७८ बागेश्वरी पोस्ट

नेपालगन्ज । नेकपा माओवादी केन्द्रले अमेरिकी सहयोग परियोजना (एमसीसी ) अगाडि बढाउन नसक्ने बताएको छ । यदि सरकारले जबरजस्ती यथास्थितिमा एमसीसी अघि बढाए गठबन्धन तोडिने माओवादी केन्द्रले चेतावनी दिएको छ ।

सरकारले आज बुधबार संसदमा एमसीसी अनुमोदनका लागि पेश गर्ने तयारी गरिरहेको छ । त्यसअघि बसेको माओवादी संसदीय दलको बैठकले भने असमान शर्तहरु संशोधन नगरी एमसीसी अगाडि बढाउन र पास गर्न नसकिने निर्णय गरेको जानकारी दिएको छ ।

एमसीसीमा रहेका असमान शर्तहरु संशोधन नगरी यथास्थितिमा अगाडि बढाउन नसकिने माओवादी केन्द्रका प्रमुख सचेतक देव गुरुङले बताए । सरकारले जबरजस्ती रुपमा ल्याए विपक्षमा मतदान गर्ने निर्णय समेत भएको गुरुङले भने । संसदमा नेकपा एमालेको अवरोध कायमै भएकाले माओवादीले यो अवस्थामा कुनै पनि एजेण्डा अघि बढ्न नहुने बताएको हो ।

प्रकाशित मिति: बुधबार, फागुन ४, २०७८ १२:०५

प्रतिक्रिया दिनुहोस्