एमसीसीविरुद्ध प्रदर्शनमा उत्रिएका १ सय बढी पक्राउ

राजनीति

गृहपृष्ठ
राजनीति
एमसीसीविरुद्ध प्रदर्शनमा उत्रिएका १ सय बढी पक्राउ

एमसीसीविरुद्ध प्रदर्शनमा उत्रिएका १ सय बढी पक्राउ

बुधबार, फागुन ४, २०७८ बागेश्वरी पोस्ट

नेपालगन्ज । अमेरिकी सहयोग परियोजना (एमसीसी) पेश गर्न लागिएको विरोधमा आज काठमाडौंमा गरिएको प्रदर्शनमा उत्रिएका १३७ जना प्रदर्शनकारी पक्राउ परेका छन् ।

निषेधित क्षेत्र प्रवेश गर्न खोजेपछि प्रदर्शनकारीलाई नयाँ बानेश्वर, माइतीघरबाट पक्राउ गरिएको महानगरीय प्रहरी परिसर काठमाडौंले जनाएको छ । पक्राउ परेका प्रदर्शनकारीहरुलाई नगर प्रहरी कार्यालय, भृकुटीमण्डसहित प्रहरी कार्यालयमा राखिएको छ ।

सरकारले संघीय संसद भवन नयाँ बानेश्वर क्षेत्रमा प्रदर्शन गर्न नपाउने गरी निषेधित क्षेत्र तोकेको थियो । प्रदर्शनकारीहरु निषेधित क्षेत्र प्रवेश गर्न खोजेपछि पक्राउ गरिएको प्रहरीको भनाइ छ ।निषेधित क्षेत्र तोडेर अगाडि बढेपछि पक्राउ गरिएको परिसर प्रमुख एसएसपी सुदिप गिरीले बताए । प्रदर्शनकारी र प्रहरीबिच झडप हुँदा ९ जना प्रहरी कर्मचारी घाइते छन् भने एक जना प्रदर्शनकारी घाइते भएका छन् ।

प्रकाशित मिति: बुधबार, फागुन ४, २०७८ १७:०६

प्रतिक्रिया दिनुहोस्