नेपालगन्जमा त्रिभुवनको शालिकको पुनर्स्थापना गरियो

राजनीति

गृहपृष्ठ
राजनीति
नेपालगन्जमा त्रिभुवनको शालिकको पुनर्स्थापना गरियो

नेपालगन्जमा त्रिभुवनको शालिकको पुनर्स्थापना गरियो

शालिक हटाइए कडा प्रतिकार गर्ने अध्यक्ष बेहनाको चेतावनी

शनिबार, फागुन ७, २०७८ बागेश्वरी पोस्ट

नेपालगन्ज । नेपालगन्जको त्रिभुवन चोकमा पुनः राजा त्रिभुवनको शालिक पुनर्स्थापना गरिएको छ ।

प्रजातन्त्र दिवसको अवसरमा आज हिन्दुवादी तथा नेपालगन्ज नगरवासीको अगुवाईमा त्रिभुवनको शालिक पुनर्स्थापना गरिएको राप्रपाका युवा नेता एवम् नेपालगन्ज ४ का अध्यक्ष मो. सफिक बेहनाले जानकारी दिएका छन् ।

वि.सं २०६२/६३ को आन्दोलन ताका तोडफोड गरिएको त्रिभुवनको शालिक करिव १४/१५ बर्ष पश्चात् पुनः पुनर्स्थापना गरिएको हो ।

शालिक पुनर्स्थापनासँगै आजै त्रिभुवन चोकमा दिप प्रज्वलन समेत गरिएको छ । राजा त्रिभुवनको शालिकमा दिप प्रज्वलन गर्दै 'राजा आउ देश बचाउ' को नारा समेत लागेको थियो ।

त्रिभुवन चोकमा पुनर्स्थापना गरिएको शालिक हटाइएमा त्यस विरुद्ध कडा प्रतिकार गर्ने चेतावनी अध्यक्ष बेहनाले बताए । नेपालको राणा शासन हटाउन उल्लेखनीय योगदान गरेका त्रिभुवनको शालिक पुनर्स्थापना भएकोमा सिङ्गो नेपालीवासी खुशी भएको बेहनाले बताए ।

प्रकाशित मिति: शनिबार, फागुन ७, २०७८ २०:२४

प्रतिक्रिया दिनुहोस्