प्रतिनिधिसभामा एमसीसी टेबल, बैठक फागुन १२ गतेसम्मका लागि स्थगित

राजनीति

गृहपृष्ठ
राजनीति
प्रतिनिधिसभामा एमसीसी टेबल, बैठक फागुन १२ गतेसम्मका लागि स्थगित

प्रतिनिधिसभामा एमसीसी टेबल, बैठक फागुन १२ गतेसम्मका लागि स्थगित

आइतबार, फागुन ८, २०७८ बागेश्वरी पोस्ट

नेपालगञ्ज । प्रतिनिधिसभामा मिलेनियम च्यालेन्ज कर्पोरेसन (एमसीसी) टेबल भएको छ । अर्थमन्त्रीको तर्फबाट सञ्चारमन्त्री ज्ञानेन्द्र बहादुर कार्कीले आजको बैठकमा एमसीसी टेबल गरेका हुन् । कार्कीले एमसीसी टेबल गर्दा प्रमुख प्रतिपक्षी दलले नाराबाजी जारी राखेका थिए ।

यस्तै नेकपा माओवादी केन्द्र र एकीकृत समाजवादी पार्टीका उल्लेख्य सांसदहरुले पनि प्रस्ताव बाचन हुँदै गर्दा विरोधमा नाराबाजी गरेका थिए । यसैगरी राष्ट्रिय जनमोर्चा, नेमकिपाका सांसद पनि विरोधमा रहे ।

सत्तारुढ दलको आजै बसेको बैठकमा एमसीसी टेबल गर्ने सहमति जुटेको थियो भने त्यसपछि बसेको कार्यव्यवस्था परामर्श समितिको बैठकले एमसीसी सम्बन्धि कार्यसूची तय गरेको थियो ।

एससीसी टेबल भएपछि प्रतिनिधिसभा बैठक फागुन १२ गतेसम्मका लागि स्थगित भएको । आजको बैठकमा विवादित बनेको एमसीसी टेबल भएसँगै बैठक फागुन १२ गतेसम्म स्थगित भएको सभामुख अग्निप्रसाद सापकोटाले घोषणा गरेका हुन् ।

प्रकाशित मिति: आइतबार, फागुन ८, २०७८ १५:२१

प्रतिक्रिया दिनुहोस्