बाँके कांग्रेसको सचिवमा रुद्रबहादुर वलीको चर्चा !

राजनीति

गृहपृष्ठ
राजनीति
बाँके कांग्रेसको सचिवमा रुद्रबहादुर वलीको चर्चा !

बाँके कांग्रेसको सचिवमा रुद्रबहादुर वलीको चर्चा !

आइतबार, फागुन ८, २०७८ बागेश्वरी पोस्ट

रुद्रबहादुर वली

नेपालगञ्ज । नेपाली कांग्रेस बाँकेको जिल्ला अधिवेशन फागुन १५ गतेका लागि तय भएको छ । पटक पटक सर्दै आएको अधिवेशन पछिल्लोपटक १५ गतेका लागि तय भएको हो । अधिवेशन संघारमै आएपछि उम्मेदवारी घोषणासंगै सम्भावित उम्मेदवारहरुको चर्चा चलिरहेको छ ।

मनोनयन गर्ने समय नजिकै आउँदा समेत संस्थापन समूहले उम्मेदवार टुंग्याउन नसक्दा अन्योल कायमै छ । यद्यपी व्यक्तिगतरुपमा प्रचारप्रसारमा भने आकांक्षीहरु जुटिरहेका छन् । जिल्ला सचिवमा पनि कतिपयको उम्मेदवारी घोषणा भइसकेको छ, कतिपय व्यक्तिहरु उम्मेदवार हुने आकांक्षासहित आफ्नो प्यानलको आधिकारिक उम्मेदवार बन्न दौडधुपमा छन् ।

संस्थापन समूहबाट आफैं उम्मेदवारी घोषणा गरेका र गणनामा आएका नामहरु मध्ये शिक्षक नेताका रुपमा आफ्नो बलियो पृष्ठभूमी बनाएका रुद्रबहादुर वली सुरुदेखि नै चर्चामा छन् । नेपाल शिक्षक संघ बाँकेको दुई पटक कुशल नेतृत्व गरेर आफ्नो नेतृत्व क्षमता देखाइसकेका वली नेविसंघबाटै राजनीतिक यात्रा प्रारम्भ गरेका नेता हुन् । सरल र मिजासिला स्वभावका मानिने वली संस्थापन समूहबाट सचिवको दौडमा अग्रपंक्तमा रहेको कांग्रेस बृत्तमा चर्चा छ ।

सभापतिको उम्मेदवार 'कन्फर्म' नहुँदा सचिव लगायत अन्य पदका उम्मेदवारहरुको पनि छिनोफानो हुन सकेको छैन । वलीसंगै संस्थापन समूहबाट मेघराज वलीको पनि चर्चा छ । यही समूहका निमबहादुर चलाउने (निरज) ले भने सामाजिक सञ्जालमार्फत् आफ्नो उम्मेदवारी घोषणा गरिसकेका छन् ।

यता सभापतिका उम्मेदवार नारायणप्रसाद गौडेलको समूहबाट युवा नेताद्वय सुधांशु कोइराला र टंकप्रसाद काफ्ले (आशिष) सचिवका उम्मेवार छन् । जिल्ला कार्यसमितिमा दुई जना सचिव निर्वाचित हुने व्यवस्था छ ।

प्रकाशित मिति: आइतबार, फागुन ८, २०७८ २१:१९

प्रतिक्रिया दिनुहोस्