ट्रकको ठक्करबाट कोहलपुरमा डियुटीमा खटिएकी महिला प्रहरीको मृत्यु

राजनीति

गृहपृष्ठ
राजनीति
ट्रकको ठक्करबाट कोहलपुरमा डियुटीमा खटिएकी महिला प्रहरीको मृत्यु

ट्रकको ठक्करबाट कोहलपुरमा डियुटीमा खटिएकी महिला प्रहरीको मृत्यु

सोमबार, फागुन ९, २०७८ बागेश्वरी पोस्ट

नेपालगन्ज । ट्रकको ठक्करबाट कोहलपुरमा डियुटी गरिरहेकी महिला प्रहरी जवानको मृत्यु भएको छ ।

कोहलपुर ११ स्थित कोहलपुर चौराहमा डियुटी गरिरहेकी महिला प्रहरी जवान कविता बुढाथोकीको गएराती ट्रकको ठक्करबाट मृत्यु भएको जिल्ला ट्राफिक प्रहरी बाँकेका प्रमुख प्रहरी निरीक्षक हिमालय शाहले जानकारी दिएका छन् ।

गएराती १० बजेतिर राप्तीसोनारी गाउँपालिकाको शम्शेरगञ्जतर्फबाट नेपालगन्ज आउँदै गरेको ना ३ ख ६४३६ नम्बरको ट्रक अनियन्त्रीत भएर पल्टिएर महिला प्रहरी बुढाथोकीको शरीरमाथि खसेको ट्राफिक प्रमुख शाहले बताए ।

ट्रक पल्टिँदा मृतक बुढाथोकीको भे ८ ब ४०६८ नम्बरको स्कुटीमा पूर्णरुपमा क्षति भएको छ । त्यस्तै सोही स्थानमा अर्को भे १० प ४६२४ नम्बरको स्कुटीमा समेत पूर्णरुपमा क्षति भएको ट्राफिक प्रमुख शाहले बताए ।

दुर्घटनाग्रस्त ट्रक चालक लोकराज केसीको वि क्याटोगेरीको मात्र सवारी चालक अनुमति पत्र रहेको ट्राफिक प्रहरी शाहले जानकारी दिएका छन् । चालक केसीलाई नियन्त्रणमा लिएर थप अनुसन्धान भइरहेको ट्राफिक प्रमुख शाहले बताए ।

प्रकाशित मिति: सोमबार, फागुन ९, २०७८ १२:४७

प्रतिक्रिया दिनुहोस्