बाँके कांग्रेस सभापतिमा राणाको उम्मेदवारी घोषणा

राजनीति

गृहपृष्ठ
राजनीति
बाँके कांग्रेस सभापतिमा राणाको उम्मेदवारी घोषणा

बाँके कांग्रेस सभापतिमा राणाको उम्मेदवारी घोषणा

मंगलबार, फागुन १०, २०७८ बागेश्वरी पोस्ट

सुनिल नरसिंह राणा

नेपालगन्ज । नेपाली कांग्रेस बाँकेको सभापति पदमा सुनिल नरसिंह राणाले पनि आफ्नो उम्मेदवारी घोषणा गरेका छन् ।

वर्तमान जिल्ला कार्यसमितिका उप-सभापति समेत रहेका राणाले आज सभापति पदमा उम्मेदवारी दिने घोषणा गरेका हुन् । उप-सभापति राणाले संस्थापन समूहबाट सभापतिमा उम्मेदवारी दिने घोषणा गरेका हुन् ।

राणाले मतदाताले दिने अमूल्य मतको सम्मान गर्दै पार्टी हित र संगठन निर्माणका लागि आफू सदैब लागिपर्ने बागेश्वरीपोस्टलाई बताए । राणाले आफ्नो पूरै प्यानल खडा गर्ने जानकारी दिएका छन् । आफ्नो प्यानलमा सबै समूह, क्षेत्रलाई समेटेर पदाधिकारी तथा सदस्यहरुको उम्मेदवार चयन गर्ने राणाले बताए ।

उता संस्थापन इतरका नारायणप्रसाद गौडेलले दुई महिना अघि नै सभापतिमा उम्मेदवारी घोषणा गर्दै प्रचारप्रसारमा व्यस्त रहँदै आएका छन् । गौडेल प्यानलले पदाधिकारी तथा सदस्य उम्मेदवारहरुको नामावली घोषणा गरिसकेको छ । त्यस्तै संस्थापन समूहबाट तीन महिना अघि नै संविधानसभा सदस्य बादशाह कुर्मीले पनि पत्रकार सम्मेलन गरेर उम्मेदवारी घोषणा गरेका थिए । यी दुई जना बाहेक सभापतिमा लुम्बिनी प्रदेश सरकारका वन वातावरण तथा भू-संरक्षण मन्त्री सुरेन्द्र बहादुर हमाल र महाधिवेशन प्रतिनिधि नेता निरन्जनसिंह सिजापतिले पनि उम्मेदवारी दिने बताएका छन् ।

नेपाली कांग्रेस बाँकेको अधिबेशन यही फागुन १५ गते हुन गइरहेको छ भने उम्मेदवारी मनोनयन दर्ता १२ गते रहेको निर्वाचन परिचालन समितिले जनाएको छ ।

प्रकाशित मिति: मंगलबार, फागुन १०, २०७८ १९:२५

प्रतिक्रिया दिनुहोस्