बाँके कांग्रेस अधिवेशन: संस्थापनले क-कसलाई बनाउने भयो उम्मेदवार ?

राजनीति

गृहपृष्ठ
राजनीति
बाँके कांग्रेस अधिवेशन: संस्थापनले क-कसलाई बनाउने भयो उम्मेदवार ?

बाँके कांग्रेस अधिवेशन: संस्थापनले क-कसलाई बनाउने भयो उम्मेदवार ?

मंगलबार, फागुन १०, २०७८ बागेश्वरी पोस्ट

नेपालगन्ज । नेपाली कांग्रेस बाँकेको फागुन १५ गते हुने जिल्ला अधिवेशनका लागि संस्थापन पक्षलाई उम्मेदवार टुंग्याउन सकस भएको छ । सभापतिमा एक जना उम्मेदवार बनाउन करिब असफल भएको संस्थापनले पदाधिकारीका उम्मेदवार करिब टुंग्याएको बताइएपनि 'फाइनल टच' दिन भने बाँकी छ ।

सभापतिमा बादशाह कुर्मी, सुरेन्द्र हमाल, निरन्जनसिंह सिजापति र सुनिल नरसिंह राणाले उम्मेदवारी दिने तयारी गरेका छन् । यो समूहबाट सबै पदमा आकांक्षी धेरै भएकाले असन्तुष्टि तीव्र छ । स्रोतका अनुसार दुई उपसभापतिमा कृष्ण कार्की र सुदिप नरसिंह राणा करिब 'कन्फर्म' भएका छन् । उपसभापतिमा उम्मेदवारी घोषणा गरिसकेका सुरेन्द्रनाथ सापकोटा भने 'रिङ आउट' भएका छन् ।

दुई सचिवमा रविन्द्र हमाल र सन्जु चौधरीलाई उतार्ने करिब टुंगो लागेको बताइएको छ । सचिवमा उम्मेदवारी घोषणा गरेर प्रचारमा जुटिसकेका निम बहादुर चलाउने (निरज) तथा अन्य आकांक्षीहरु रुद्र बहादुर ओली र मेघराज ओली टिममा पर्ने सम्भावना लगभग सकिएको छ ।

सह-सचिवमा पुरनसिंह ठकुरी र रामकुमार राँढलाई उम्मेदवार बनाउने तयारी गरिएपनि राँढले सचिवको दाबी गरिरहेको बताइएको छ । सह-सचिवमा उम्मेदवारी घोषणा गरेका बिनोद थारु पनि टिममा पर्ने सम्भावना क्षीण बनेको छ । तर, राँढले सह-सचिव स्विकार नगरे थारुले पाउने सम्भावना भने जिवितै छ । संस्थापन समूहले सभापति बाहेक अन्य उम्मेदवार टुंग्याएर आज मध्यान्हसम्म घोषणा गर्ने तयारी गरेको बुझिएको छ । भोली १२ गते मनोनयन दर्ता गर्ने निर्वाचन कार्यतालिका छ ।

प्रकाशित मिति: मंगलबार, फागुन १०, २०७८ २२:०७

प्रतिक्रिया दिनुहोस्