बाँके काँग्रेस अधिवेशन: संस्थापनका सभापति बाहेक पदाधिकारी उम्मेदवार घोषणा

राजनीति

गृहपृष्ठ
राजनीति
बाँके काँग्रेस अधिवेशन: संस्थापनका सभापति बाहेक पदाधिकारी उम्मेदवार घोषणा

बाँके काँग्रेस अधिवेशन: संस्थापनका सभापति बाहेक पदाधिकारी उम्मेदवार घोषणा

बुधबार, फागुन ११, २०७८ बागेश्वरी पोस्ट

नेपालगन्ज । नेपाली कांग्रेस बाँकेको जिल्ला अधिवेशनका लागि संस्थापन समूहले सभापति बाहेक पदाधिकारी उम्मेदवार घोषणा गरेको छ ।

पार्टी कार्यालयमा आज एक कार्यक्रमका वीच उम्मेदवारहरुको घोषणा गरिएको हो । उपसभापतिमा कृष्ण कार्की र सुदिप नरसिंह राणा, सचिव रबिन्द्र हमाल र सन्जु कुमारी थारु तथा सह-सचिवमा पुरनसिंह ठकुरी र बिनोद थारुको नाम घोषणा गरिएको हो ।

संस्थापन समूहले सभापतिमा भने सर्वसम्मत उम्मेदवार छनौट गर्न सकेन । सभापतिका आकांक्षीहरु टसमस नभएपछि एकल उम्मेदवार घोषणा गर्न नसकिएको हो । सभापतिमा संस्थापनबाट बादशाह कुर्मी, सुरेन्द्र हमाल, निरन्जनसिंह सिजापति र सुनिल नरसिंह राणाले उम्मेदवारी दिने बताएका छन् ।

संस्थापन इतरले भने दुई महिना अघि नै सभापति नारायण प्रसाद गौडेलको नेतृत्वमा पदाधिकारी घोषणा गरेको थियो । सदस्य पनि केही दिन अघि घोषणा गरिएको थियो । फागुन १५ गते हुने जिल्ला अधिवेशनका लागि भोली १२ गते मनोनयन दर्ता हुँदैछ ।

प्रकाशित मिति: बुधबार, फागुन ११, २०७८ १४:०८

प्रतिक्रिया दिनुहोस्