बाँके कांग्रेसको नयाँ नेतृत्व चुन्न फागुन २० गते मतदान, मनोनयन भोली नै

राजनीति

गृहपृष्ठ
राजनीति
बाँके कांग्रेसको नयाँ नेतृत्व चुन्न फागुन २० गते मतदान, मनोनयन भोली नै

बाँके कांग्रेसको नयाँ नेतृत्व चुन्न फागुन २० गते मतदान, मनोनयन भोली नै

बुधबार, फागुन ११, २०७८ बागेश्वरी पोस्ट

नेपालगञ्ज । नेपाली कांग्रेस बाँकेको नयाँ नेतृत्व चुन्न फागुन २० गते मतदान हुने भएको छ । केन्द्रिय निर्वाचन समितिको निर्णय अनुसार फागुन २० गते मतदान गर्ने गरी निर्वाचन कार्यक्रम संशोधन गरिएपनि उम्मेदवारी मनोनयन दर्ता भने भोली १२ गते पूर्व निर्धारित मितिमै हुने सहायक निर्वाचन अधिकृत चित्रबहादुर शाहीले बताए । "मतदानको तालिका मात्रै संशोधन हो," उनले भने- "केन्द्रको निर्णय अनुसार २० गते मतदान हुन्छ, बाँकी निर्वाचन तालिका यसअघि अनुसारकै हुन्छ, भोलीको मनोनयन दर्ताको समय हेरफेर गरेर दिउँसो १ बजेदेखि साँझ ५ बजेसम्म कायम गरिएको छ ।"

केन्द्रिय निर्वाचन समितिले देशमा विकसित पछिल्लो राजनीतिक घटनाक्रमका कारण यसअघि फागुन १५ गते गर्ने तय भएको जिल्ला अधिवेशन फागुन २० गतेभित्र सम्पन्न गर्ने व्यवस्था मिलाउन जिल्ला निर्वाचन समितिहरुलाई निर्देशन दिएपछि निर्वाचन कार्यक्रम हेरफेर भएको हो । सचिव केशव रिजालले आज एक विज्ञप्ती जारी गरेर बाँकेसहित जिल्ला अधिवेशन गर्न बाँकी रहेका १६ जिल्लामध्ये संघीय संसदका सदस्य रहेका जिल्लाहरुका हकमा यस्तो निर्णय गरिएको जनाएका छन् ।

उनीद्वारा जारी विज्ञप्तीमा भनिएको छ, "मुलुकमा पछिल्लोपटक विकसित राजनीतिक घटनाक्रम, संसदमा निर्णयार्थ प्रस्तुत र विचाराधीन राष्ट्रिय महत्वको अति संवेदनशील विषय तथा प्रतिनिधिसभाका सदस्यहरुलाई राजधानी बाहिर नजानका लागि पार्टी संसदीय दलद्वारा जारी गरिएको ह्वीपका कारण, जिल्ला अधिवेशनका प्रतिनिधि-संघीय संसदका सदस्यहरु जिल्ला अधिवेशनमा भाग लिन आ-आफ्नो जिल्लामा तत्काल जान असमर्थ रहेको अवस्थालाई मध्यनजर राखी, जिल्ला अधिवेशन हुन बाँकी १६ जिल्ला मध्ये संघीय संसदका सदस्य रहेका सप्तरी, सिराहा, धनुषा, सर्लाही, रौतहट, बारा, चितवन, नवलपुर, बाँके र अछाम जिल्लाको जिल्ला कार्यसमितिको निर्वाचनका लागि निर्धारित २०७८ फागुन १५ गतेको मितिलाई, उक्त जिल्लामा खटिनुभएका केन्द्रिय निर्वाचन समितिका प्रतिनिधि (निर्वाचन अधिकृत) र पार्टीको जिल्ला कार्यसमितिको सहमतिमा यही २०७८ फागुन २० गतेभित्र सम्पन्न गर्ने व्यवस्था मिलाउनुहुन नेपाली कांग्रेस केन्द्रिय निर्वाचन समितिको आज बसेको बैठकको निर्णय अनुसार जानकारी गराइन्छ ।"

No description available.