बाँके कांग्रेस अधिबेशन:आज दिउँसो १ बजेदेखि मनोनयन दर्ता हुँदै

राजनीति

गृहपृष्ठ
राजनीति
बाँके कांग्रेस अधिबेशन:आज दिउँसो १ बजेदेखि मनोनयन दर्ता हुँदै

बाँके कांग्रेस अधिबेशन:आज दिउँसो १ बजेदेखि मनोनयन दर्ता हुँदै

बिहीबार, फागुन १२, २०७८ बागेश्वरी पोस्ट

नेपालगन्ज । नेपाली कांग्रेस बाँकेको नयाँ नेतृत्व चुन्न आज १ बजेदेखि उम्मेदवारी मनोनयन दर्ता हुँदैछ । बाँके कांग्रेसको फागुन १५ गते हुने भनिएको मतदान भने यही फागुन २० गतेका लागि सारिएको छ ।

केन्द्रिय निर्वाचन समितिको निर्णय अनुसार फागुन २० गते मतदान गर्ने गरी निर्वाचन कार्यक्रम संशोधन गरिएपनि उम्मेदवारी मनोनयन दर्ता भने आजै पूर्व निर्धारित मितिमै हुने नेपाली कांग्रेस बाँके निर्वाचन परिचालन कमिटीका सहायक निर्वाचन अधिकृत चित्रबहादुर शाहीले जानकारी दिएका छन् । शाहीका अनुसार मनोनयन दर्ता आज दिउँसो १ बजेदेखि साँझ ५ बजेसम्म कायम गरिएको छ ।

नेपाली कांग्रेस बाँके अधिबेशनमा सभापतिमा संस्थापन इतरका नारायण प्रसाद गौडेलले आज मनोनयन दर्ता गर्दैछन् भने संस्थापन समूहबाट सुरेन्द्र बहादुर हमाल, निरन्जन सिंह सिजापति, बादशाह कुर्मी र सुनिल नरसिंह राणा गरी ४ जनाले छुट्टाछुट्टै मनोनयन दर्ता गर्दैछन् ।

मुलुकमा पछिल्लोपटक विकसित राजनीतिक घटनाक्रम, संसदमा निर्णयार्थ प्रस्तुत र विचाराधीन राष्ट्रिय महत्वको अति संवेदनशील विषय तथा प्रतिनिधिसभाका सदस्यहरुलाई राजधानी बाहिर नजानका लागि पार्टी संसदीय दलद्वारा जारी गरिएको ह्वीपका कारण, जिल्ला अधिवेशनका प्रतिनिधि-संघीय संसदका सदस्यहरु जिल्ला अधिवेशनमा भाग लिन आ-आफ्नो जिल्लामा तत्काल जान असमर्थ रहेको अवस्थालाई मध्यनजर राखी यही २० गते सारिएको हो ।

जिल्ला अधिवेशन हुन बाँकी १६ जिल्ला मध्ये संघीय संसदका सदस्य रहेका सप्तरी, सिराहा, धनुषा, सर्लाही, रौतहट, बारा, चितवन, नवलपुर, बाँके र अछाम जिल्लाको जिल्ला कार्यसमितिको निर्वाचनका लागि निर्धारित २०७८ फागुन १५ गतेको मितिलाई, उक्त जिल्लामा खटिनुभएका केन्द्रिय निर्वाचन समितिका प्रतिनिधि (निर्वाचन अधिकृत) र पार्टीको जिल्ला कार्यसमितिको सहमतिमा यही २०७८ फागुन २० गतेभित्र सम्पन्न गर्ने व्यवस्था मिलाइएको हो ।

प्रकाशित मिति: बिहीबार, फागुन १२, २०७८ १०:५४

प्रतिक्रिया दिनुहोस्