फेरि अनिश्चित कांग्रेस बाँकेको अधिवेशन

राजनीति

गृहपृष्ठ
राजनीति
फेरि अनिश्चित कांग्रेस बाँकेको अधिवेशन

फेरि अनिश्चित कांग्रेस बाँकेको अधिवेशन

आजलाई तय भएको उम्मेदवारी मनोनयन दर्ता पनि स्थगित

बिहीबार, फागुन १२, २०७८ बागेश्वरी पोस्ट

नेपालगञ्ज । नेपाली कांग्रेस बाँकेको अधिवेशन फेरि अनिश्चित बनेको छ । नयाँ सर्कुलर अनुसार फागुन २० गते मतदान गराउने गरी पूर्व निर्धारित निर्वाचन कार्यक्रम बमोजिम आजै उम्मेदवारी मनोनयन लिने तयारी गरिएपनि अन्तिम समयमा आएर फेरि स्थगित गरिएको छ ।

जिल्ला निर्वाचन अधिकृत उदयमणि आचार्यले २० गतेभित्र जिल्ला कार्यसमितिको सहमतिमा छलफल गरी नयाँ निर्वाचन कार्यक्रम तालिका र मिति तोक्ने गरी हाललाई निर्वाचनका सबै कार्यक्रम स्थगित गरिएको बताए । एमसीसीको कारण देखाउँदै फागुन १५ गते हुने तय भएको जिल्ला अधिवेशन रोक्न केन्द्रिय निर्वाचन समितिले सर्कुलर गरेपछि बाँकेको अधिवेशन पनि अनिश्चित बनेको हो । प्रतिनिधिसभामा संघीय सांसद रहेका १० जिल्लाको निर्वाचन फागुन २० गतेभित्र गर्ने गरी व्यवस्था मिलाउन केन्द्रिय निर्वाचन समितिले हिजो जिल्ला निर्वाचन समितिहरुलाई निर्देशन दिएको थियो ।

पटक पटक विभिन्न बहाना बनाउँदै सारिँदै आएको जिल्ला अधिवेशन फेरि पनि स्थगित भएपछि नेता कार्यकर्ता रुष्ट भएका छन् ।

No description available.