आयो कांग्रेस बाँकेको नयाँ निर्वाचन कार्यक्रम, भोली मनोनयन दर्ता, १९ गते मतदान

राजनीति

गृहपृष्ठ
राजनीति
आयो कांग्रेस बाँकेको नयाँ निर्वाचन कार्यक्रम, भोली मनोनयन दर्ता, १९ गते मतदान

आयो कांग्रेस बाँकेको नयाँ निर्वाचन कार्यक्रम, भोली मनोनयन दर्ता, १९ गते मतदान

बिहीबार, फागुन १२, २०७८ बागेश्वरी पोस्ट

नेपालगन्ज । नेपाली कांग्रेस बाँकेको नयाँ नेतृत्व चुन्न फागुन १९ गते मतदान हुने भएको छ । जिल्ला निर्वाचन समितिले आज फेरि नयाँ कार्यतालिका सार्वजनिक गर्दै भोली फागुन १३ गते उम्मेदवारी मनोनयन दर्ता र १९ गते मतदान गराउने जनाएको छ ।

यसअघि फागुन १५ गते तोकिएको निर्वाचनका लागि आज १२ गतेलाई उम्मेदवारी मनोनयन दर्ताको समय तोकिएको थियो । निर्वाचन समितिका अनुसार भोली विहान ११ बजेदेखि दिउँसो साढे २ बजेसम्म उम्मेदवारी दर्ताको समय तोकिएको छ । १९ गते विहान ९ बजेदेखि अपरान्ह ४ बजेसम्म मतदान हुनेछ । उम्मेदवारी दर्ता र मतदान जिल्ला समन्वय समितिमा हुनेछ ।

संसदमा टेबल भएको एमसीसीको कारण देखाउँदै बाँकेसहित १० जिल्लाको अधिवेशन फागुन २० गतेभित्र गर्ने गरी व्यवस्था मिलाउन भन्दै हिजो केन्द्रिय निर्वाचन समितिले सर्कुलर गरेपछि निर्वाचन कार्यक्रम फेरबदल भएको हो । प्रतिनिधिसभाका सांसद भएका जिल्लाको हकमा यस्तो निर्णय गरिएको थियो ।

केन्द्रको सर्कुलरपछि आजै उम्मेदवारी दर्ता गरेर २० गते मतदान गराउने गरी जिल्ला निर्वाचन अधिकृतको कार्यालयले तयारी गरेपनि अन्तिम समयमा आएर स्थगित गर्दै नयाँ कार्यतालिका प्रकाशित गरिएको हो ।

No description available.