गौडेल प्यानललाई जिताउन लाग्नुस्ः सभापति पुन

राजनीति

गृहपृष्ठ
राजनीति
गौडेल प्यानललाई जिताउन लाग्नुस्ः सभापति पुन

गौडेल प्यानललाई जिताउन लाग्नुस्ः सभापति पुन

बिहीबार, फागुन १२, २०७८ बागेश्वरी पोस्ट

नेपालगञ्ज । नेपाली कांग्रेस बाँकेको यही फागुन १९ गते हुन गइरहेको निर्वाचनमा संस्थापन इतरबाट सभापतिका उम्मेदवार नारायण प्रसाद गौडेल प्यानललाई जिताउन लुम्बिनी प्रदेश सभापति अमरसिंह पुनले निर्देशन दिएका छन् ।

आज नेपालगञ्जमा आयोजित उम्मेदवार तथा कार्यकर्ता भेटघाट कार्यक्रममा बोल्दै सभापति पुनले पार्टी बलियो बनाउन सबै मिलेर गौडेल प्यानललाई जिताउन निर्देशन दिएका हुन् । उनले सभापति गौडेलसहित सबै उम्मेदवारलाई जिताउन एक ढिक्का भएर लाग्नुपर्ने बताए ।

सभापति किरण कोइरालले अब बाँके कांग्रेसमा गौडेलको खाँचो भएको बताइन् । बाँके कांग्रेसलाई अझ मजबुत बनाउन सशक्त र जुझारु गौडेल प्यानललाई मतदान गरी विजयी गराउन उनले आग्रह गरिन् ।

No description available.

नेपाली कांग्रेस बाँके क्षेत्र नम्बर १ का क्षेत्रीय सभापति पोषण केसीले सबै रिसराग बिर्सेर गौडेल प्यानललाई जिताउन सबै प्रतिनिधिहरुलाई आग्रह गरेका छन् । "कांग्रेस बलियो बनाउन गौडेल प्यानल नै उपयुक्त भएको सबैले महसुस गरिसकेका छन्, यो प्यानलको जित सुनिश्चित छ, त्यसैले दायाँबायाँ नसोची जिताउन लागौं," केसीले भने ।

त्यस्तै सभापतिका उम्मेदवार गौडेलले आफ्नो टिमको जीत सुनिश्चित भएको भन्दै एकजुट भएर अघि बढ्नुपर्नेमा जोड दिए । उनले भोली हुने मनोनयन दर्ताको कार्यक्रममा सबैलाई उपस्थित हुन आग्रह गरेका छन् ।

भेटघाट कार्यक्रममा लुम्बिनी प्रदेश कमिटी सदस्य टेक नारायण भुसाल, बिक्रम पाण्डे, कोहलपुर नगर सभापति बिरेन्द्र शाहले गौडेल प्यानललाई जिताई मजबुत कांग्रेस बनाउन आग्रह गरे ।

कार्यक्रममा गौडेल प्यानलका सबै उम्मेदवारहरु लगायत नेता कार्यकर्ताहरुको उपस्थिति रहेको थियो । कार्यक्रम सञ्चालन नेपाली कांग्रेस बाँके क्षेत्र नम्बर १ पूर्व सचिव डिल्ली गिरीले गरेका थिए ।

प्रकाशित मिति: बिहीबार, फागुन १२, २०७८ १९:४४

प्रतिक्रिया दिनुहोस्