यसकारण बाँके कांग्रेस सभापतिमा जित्दैछन् नारायण गौडेल...

राजनीति

गृहपृष्ठ
राजनीति
यसकारण बाँके कांग्रेस सभापतिमा जित्दैछन् नारायण गौडेल...

यसकारण बाँके कांग्रेस सभापतिमा जित्दैछन् नारायण गौडेल...

शनिबार, फागुन १४, २०७८ बागेश्वरी पोस्ट

नेपालगन्ज । नेपाली कांग्रेसको १४औं महाधिवेशन अन्तर्गत् बाँके कांग्रेसको यही फागुन १९ गते जिल्ला अधिबेशन हुँदैछ । कांग्रेस अधिबेशनमा जिल्ला सभापतिमा संस्थापन इतरबाट नारायण प्रसाद गौडलले उम्मेदवारी दर्ता गराइसकेका छन् । सभापतिमा संस्थापन समूहबाट सुरेन्द्र हमाल, बादशाह कुर्मी र सुनिल नरसिंह राणाले पनि उम्मेदवारी दर्ता गरेका छन् । अहिलेसम्मको अंकगणित हेर्ने हो भने संस्थापन इतरका गौडेल बलियो र सशक्त उम्मेदवार हुन् । जिल्लाका आधा भन्दा बढी क्षेत्रीय प्रतिनिधिहरुले गौडेलसहित उनको प्यानललाई समर्थन गर्ने देखिएको छ ।

यसकारण क्षेत्रीय प्रतिनिधिले समर्थन गर्दैछन् गौडेललाई-

बाँके कांग्रेसका प्रभावशाली नेता नारायणप्रसाद गौडेल कुशल संगठक मानिन्छन् । पार्टीको संगठन बनाउन अहोरात्र खट्ने छबि बनाएका गौडेल इमान्दार र सामान्य जीवनशैली अपनाउने मेहनती नेताका रुपमा कार्यकर्तामाझ परिचित छन् ।

कोहलपुर निवासी गौडेल पार्टी राजनीतिमा अविछिन्न सक्रिय नेता हुन् । उनले तरुण दल हुँदै क्षेत्रीय सभापति, जिल्ला सदस्य, जिल्ला सह–सचिव, केन्द्रिय संगठन विभाग सदस्यदेखि महासमिति सदस्य पदमा रही कुशलतापूर्वक आफ्नो भूमिका र जिम्मेवारी निभाएका छन् ।

गौडेल अहिले पार्टीको महाधिवेशन प्रतिनिधि छन् । २०५९ सालमा जिल्ला सहसचिव भइसकेका उनी २०६१ सालमा क्षेत्र नम्बर १ को क्षेत्रीय सभापति भएका थिए । २०३६ सालदेखि साधारण सदस्यका रुपमा रहेका गौडेल २०४८ सालदेखि कांग्रेसको क्रियाशील सदस्य छन् । उनी कोहलपुर निवासी हुन् ।

नेपाल तरुण दल कोहलपुरका संस्थापक उनी १२औं महाधिवेशनबाट २०६७ सालमा केन्द्रिय संगठन विभाग सदस्य पनि बनेका थिए । जनआन्दोलन २०६२र६३ मा सक्रिय सहभागिता जनाएका गौडेल त्यतिवेला दुई पटक गरेर साढे तीन महिना जेलमा बन्दी बनाइएका थिए । उनले त्यसबेला तत्कालीन शाही नेपाली सेनाबाट मरणासन्न हुने गरी कुटाई खाएका थिए ।

१३औं महाविधेशनमा पनि सभापति पदका उम्मेदवार थिए । उनी त्यतिबेला सफल हुन सकेनन् । एकपटक सभापति बनेर बाँके कांग्रेसलाई सुदृढ र गतिशील बनाउने संकल्प बोकेका गौडेल दोस्रो संविधानसभा चुनावमा समानुपातिकतर्फका उम्मेदवार समेत थिए ।

पार्टीको संगठन बनाउन अहोरात्र खट्ने छबि समेत भएका नेता गौडेलले कार्यकर्ताहरुलाई दुःखमा समेत साथ दिँदै आएका छन् । अड्डा अदालत होस् या अस्पताल कार्यकर्तालाई दुःख पर्दा गौडेल आफैं पुगेर पिर-मर्का बुझ्ने असल नेता भएका कारण यसपटकको बाँकेको कांग्रेस सभापतिमा गौडेल नै विजयी हुन् भन्ने चाहना राखेका छन् बाँकेका कांग्रेसजनहरुले ।

प्रकाशित मिति: शनिबार, फागुन १४, २०७८ ०८:४९

प्रतिक्रिया दिनुहोस्