युवा नेता खाण बाँके कांग्रेसको जिल्ला सदस्यका उम्मेदवार

राजनीति

गृहपृष्ठ
राजनीति
युवा नेता खाण बाँके कांग्रेसको जिल्ला सदस्यका उम्मेदवार

युवा नेता खाण बाँके कांग्रेसको जिल्ला सदस्यका उम्मेदवार

जिल्ला सदस्यमा आफूलाई जिताउन खाणको अनुरोध

आइतबार, फागुन १५, २०७८ बागेश्वरी पोस्ट

नेपालगञ्ज । यही फागुन १९ गते हुन लागेको बाँके कांग्रेस अधिवेशनले जिल्लाभर माहोल तताएको छ। त्यसका लागि शुकवार उम्मेदवारी दर्ता समेत गरिएको छ ।

विभिन्न पदमा धेरै जनाले उम्मेदवारी दिएका छन् । युवा नेता देवबहादुर खाणले पनि जिल्ला सदस्य पदमा उम्मेदवारी दिएका छन् । लामो समयदेखि नेबिसंघ हुँदै कांग्रेस राजनीतिमा होमिएका संस्थापन समूहका खाण बाँकेका आशलाग्दा युवा नेता समेत हुन् ।

स्कुले जीवन हुँदै वि.सं २०५९ सालदेखि महेन्द्र बहुमुखी क्याम्पसमा नेबिसंघको इकाई कमिटी सदस्यबाट राजनीतिमा उदाएका युवा नेता खाण साबिक फत्तेपुर गाबिसको तरुण दल गाउँ इकाई कमिटीको दुई कार्यकाल अध्यक्ष समेत भइसकेका छन् ।

१३औं महाधिवेशनमा नेपाली कांग्रेस क्षेत्र नम्बर १ को क्षेत्रीय सदस्य बनिसकेका युवा नेता खाणले २०६७ मा फत्तेपुर गाउँ इकाई कमिटीको संगठन विभाग प्रमुख समेत भएर कार्य गरिसकेका छन् । २०७२ मा तरुण दल बाँकेको सदस्य भएका खाण १३औं र १४ औं महाधिवेशनबाट कांग्रेसको क्षेत्रीय प्रतिनिधिमा निर्वाचित भएका हुन् ।

पार्टीको लागि अहम् भूमिका खेल्दै आएका युवा नेता खाण सबै नेता कार्यकर्ताको सल्लाहमा यसपटक खसआर्य तर्फबाट जिल्ला सदस्यमा उम्मेदवारी दिएको बताउँछन् । आफूले पार्टीप्रति गरेको योगदानका कारण आफूलाई सबै क्षेत्रीय प्रतिनिधिहरुले माया गरी जिताउने युवा नेता खाणको विश्वास छ । पार्टीलाई बलियो बनाउन युवाको जरुरत भएकाले जिल्ला सदस्यमा आफूलाई जिताउन खाणले अनुरोध गरेका छन् ।

प्रकाशित मिति: आइतबार, फागुन १५, २०७८ १०:२६

प्रतिक्रिया दिनुहोस्