कोइराला परिवारको विरासत बोकेका सुधांशु सचिवका उम्मेदवार

राजनीति

गृहपृष्ठ
राजनीति
कोइराला परिवारको विरासत बोकेका सुधांशु सचिवका उम्मेदवार

कोइराला परिवारको विरासत बोकेका सुधांशु सचिवका उम्मेदवार

सोमबार, फागुन १६, २०७८ बागेश्वरी पोस्ट

नेपालगन्ज । नेपाली कांग्रेस बाँकेको यही फागुन १९ गते हुन गइरहेको जिल्ला अधिबेशनमा सचिव पदमा निकै कडा भिडन्त हुने पक्कापक्की भएको छ । चार जना युवाहरुले यसपटक जिल्ला सचिव पदमा उम्मेदवारी दिएका छन् ।

बाँके कांग्रेसका चर्चित युवाहरु सुधांशु कोइराला, टंक प्रसाद काफ्ले (आशिष), सन्जु कुमारी (थारु) चौधरी र रबिन्द्र बहादुर हमालले सचिव पदमा उम्मेदवारी दिएसंगै माहोल झनै तात्तिएको छ । काफ्ले र कोइराला संस्थापन इतर (डा. शेखर कोइराला) बाट सभापतिका उम्मेदवार नारायण प्रसाद गौडेल प्यानलका उम्मेदवारहरु हुन् भने चौधरी र हमाल (शेरबहादुर देउवा) निकट संस्थापन समूहका हुन् ।

पूर्व पार्टी सभापति एवम् पूर्व प्रधानमन्त्री स्व. सुशील कोइरालाका सहोदर भतिज सचिवका उम्मेदवार सुधांशु लोकप्रिय युवा नेता हुन् । ऐतिहासिक र प्रेरणादायी राजनीतिक परिवारका कोइराला बैंकको जागिर छोडेर राजनीतिमा होमिएका युवा हुन् ।

पारिवारिक विरासतका कारण राजनीतिबाट टाढा हुन नसकेका सुधांशु २०७१ सालमा नेपाल तरुण दलको केन्द्रिय प्रतिनिधि भएका थिए ।

अहिलेको जिल्ला कार्यसमितिमा सदस्य रहेर आफ्नो प्रभावकारी भूमिका देखाएका कोइराला पूर्व बाँके जिल्ला सभापति स्वर्गीय डा. अरुण कोइराला र वर्तमान सभापति किरण कोइरालाका छोरा हुन् ।

उनले १३औं महाविधेशनमा साविकको क्षेत्र नम्बर ३ बाट जिल्ला सदस्य पदमा सर्वाधिक मतका साथ विजय हासिल गरेका थिए । नेपालगञ्ज निवासी कोइराला आशा गरिएका युवा नेता हुन् । कोइरालाले कांग्रेस बाँकेलाई गतिशील, चलायमान र सशक्त बनाउन आफू लगायत गौडेल प्यानललाई विजयी बनाउन क्षेत्रीय प्रतिनिधिहरुलाई आग्रह गरेका छन् ।

प्रकाशित मिति: सोमबार, फागुन १६, २०७८ १०:३९

प्रतिक्रिया दिनुहोस्