मधेशी समुदायबाट उदाएकी रेणु सहसचिव पदकी उम्मेदवार

राजनीति

गृहपृष्ठ
राजनीति
मधेशी समुदायबाट उदाएकी रेणु सहसचिव पदकी उम्मेदवार

मधेशी समुदायबाट उदाएकी रेणु सहसचिव पदकी उम्मेदवार

मंगलबार, फागुन १७, २०७८ बागेश्वरी पोस्ट

सहसचिव पदकी उम्मेदवार रेणु सिंह ठाकुर

नेपालगञ्ज । नेपाली कांग्रेस बाँकेको फागुन १९ गते हुने निर्वाचनमा सहसचिव पदमा चार जना उम्मेदवारबीच प्रतिष्पर्धा हुँदैछ । दुई सहसचिवका लागि संस्थापनबाट दुई र संस्थापन इतर पक्षबाट दुई जना उम्मेदवार चुनावी मैदानमा छन् ।

संस्थापन इतर समूहबाट रेणु सिंह ठाकुर र विश्वराज लम्साल तथा संस्थापन समूहबाट पूर्ण कुमार सिंह ठकुरी (पुरन) र विनोद कुमार थारु प्रतिष्पर्धामा छन् । चार उम्मेदवार मध्ये मधेशी समुदायबाट उदाएकी ठाकुर सहसचिव पदकी एक्लो महिला उम्मेदवार हुन् । कांग्रेस राजनीतिमा संघर्ष गर्दै उठेकी रेणु सशक्त र जुझारु महिला नेतृ हुन् ।

उनी सभापतिका उम्मेदवार नारायणप्रसाद गौडेल समूहबाट उम्मेदवार छिन् । ठाकुरले बाँके कांग्रेसलाई चलायमान बनाउन आफूले उम्मेदवारी दिएको भन्दै मतदान गर्न सबै क्षेत्रीय प्रतिनिधिहरुलाई आग्रह गरेकी छिन् ।

रेणु सिंह ठाकुर
सहसचिव पदकी उम्मेदवार

सहसचिव पदकी उम्मेदवार रेणु सिंह ठाकुर सशक्त महिला नेतृ हुन् । नेपालगञ्ज निवासी मधेशी समुदायकी जुझारु महिला ठाकुर कांग्रेस राजनीतिमा २०५६ सालदेखि क्रियाशील छिन् ।

२०५६ मा साविकको हिरमिनिया गाविसको महिला प्रतिनिधिमा मनोनित भएर राजनीतिक पाइला अघि सारेकी उनी वर्तमान जिल्ला कार्यसमितिमा जिल्ला सदस्य छिन् । रेणु महिला संघ बाँकेकी सदस्य पनि हुन् ।

उनी नेपाल ट्रेड युनियन कांग्रेसको राजनीतिबाट उदाएकी नेतृ हुन् । उनी २०५८ देखि नेपाल ट्रेड युनियन कांग्रेसमा आबद्ध भइन् । दुई कार्यकाल जिल्ला सदस्य र एक कार्यकाल जिल्ला उपाध्यक्ष भएकी ठाकुर चार पटक महाधिवेशन प्रतिनिधि भइन् ।

प्रकाशित मिति: मंगलबार, फागुन १७, २०७८ १०:१२

प्रतिक्रिया दिनुहोस्