मतदानको अघिल्लो दिन पनि गौडेल प्यानल प्रचारप्रसारमै

राजनीति

गृहपृष्ठ
राजनीति
मतदानको अघिल्लो दिन पनि गौडेल प्यानल प्रचारप्रसारमै

मतदानको अघिल्लो दिन पनि गौडेल प्यानल प्रचारप्रसारमै

बुधबार, फागुन १८, २०७८ बागेश्वरी पोस्ट

नेपालगन्ज । नेपाली कांग्रेस बाँकेको सभापति पदका उम्मेदवार नारायण प्रसाद गौडेल समूहले मतदानको अघिल्लो दिन पनि मतदाता भेटघाट कार्यक्रम जारी राखेको छ । भोली जिल्ला समन्वय समितिमा हुने जिल्ला अधिवेशनका लागि गौडेल प्यानलले नेपालगन्जका धेरैजसो मतदाताहरुलाई रिझाउँदै आफ्नो प्यानलमा मतदान गर्न आग्रह गरेको छ ।

नेपाली कांग्रेसका केन्द्रीय सदस्य सन्जय गौतम, लुम्बिनी प्रदेशसभा सदस्य शंकर गिरी, नेपाली कांग्रेस लुम्बिनी प्रदेश अध्यक्ष अमरसिंह पुन, लुम्बिनी प्रदेशका सह-महामन्त्री खगराज पाण्डे, सभापतिका उम्मेदवार गौडेल, उपसभापतिका उम्मेदवार गोपाल अधिकारी लगायत पदाधिकारीका सबै उम्मेदवारहरुको टोलीले नेपालगन्ज क्षेत्रका मतदाताहरुसंग भेटघाट गरेर सभापतिमा गौडेलसहित पूरै प्यानललाई विजयी गराउन सहयोगको आग्रह गरेको सचिवालय संयोजक एवम् लुम्बिनी प्रदेश सदस्य टेक नारायण भुसालले बताए ।

मतदाताहरुको राम्रो 'रेस्पोन्स'ले पूरै प्यानललाई उत्साहित बनाएको सभापतिका उम्मेदवार गौडेलले प्रतिक्रिया दिएक छन् । "हाम्रो प्यानलबाट क्षेत्रीय प्रतिनिधिज्यूरुहरुले पार्टीमा रुपान्तरणको आशा गर्नुभएको छ, उहाँहरुले हामीलाई हौसला दिइरहनुभएको छ," गौडेलले भने ।

अहिलेको बर्तमान अवस्थालाई हेर्ने हो भने संस्थापन इतरका गौडेल प्यानल निकै बलियो देखिएको आंकलन छ । संस्थापन समूहका दुई उम्मेदवार बीचको टकराबले बाँकेका धेरैजसो मतदाताहरुले पार्टीप्रति दत्तचित्त भएर पार्टी बलियो बनाउन योगदान दिएका नेता गौडेललाई नै यसपटक मतदान गर्ने बताउँछन् । नेता गौडेलले पहिलो चरणमै सभापति पदमा बाजी मार्ने धेरै नेता कार्यकर्ताहरु बताउँछन् ।

प्रकाशित मिति: बुधबार, फागुन १८, २०७८ १९:१२

प्रतिक्रिया दिनुहोस्