कांग्रेस बाँकेको नयाँ नेतृत्व चुन्न मतदान सुरु, गौडेलले गरे पहिलो मतदान

राजनीति

गृहपृष्ठ
राजनीति
कांग्रेस बाँकेको नयाँ नेतृत्व चुन्न मतदान सुरु, गौडेलले गरे पहिलो मतदान

कांग्रेस बाँकेको नयाँ नेतृत्व चुन्न मतदान सुरु, गौडेलले गरे पहिलो मतदान

बिहीबार, फागुन १९, २०७८ बागेश्वरी पोस्ट

सभापतिका उम्मेदवार नारायण प्रसाद गौडेलले मतदान गर्दै

नेपालगञ्ज । नेपाली कांग्रेस बाँकेको नयाँ नेतृत्व चुन्न मतदान सुरु भएको छ । नयाँ नेतृत्व चुन्न विहान सवा ९ बजेदेखि जिल्ला समन्वय समितिमा मतदान सुरु भएको हो । पहिलो मतदान सभापतिका उम्मेदवार नारायण प्रसाद गौडेलले गरेका छन् । निर्वाचनमा १४ सय ९३ मतदाता छन् । सभापति, दुई उपसभापति, दुई सचिव तथा दुई सहसचिव र कार्यसमिति सदस्य चुन्न आज मतदान हुन भइरहेको हो । अपरान्ह ४ बजेसम्म मतदान चल्नेछ ।

सभापतिमा तीन जना, उपसभापति, सचिव र सहसचिवमा ४/४ जना उम्मेदवार प्रतिष्पर्धामा छन् । सभापतिका लागि नारायणप्रसाद गौडेल, सुरेन्द्र बहादुर हमाल र बादशाह प्रतिष्पर्धामा छन्। उपसभापतिमा गोपाल प्रसाद अधिकारी, राजकुमार मौर्य, कृष्ण बहादुर कार्की र सुदिपनरसिंह राणा तथा सहसचिवमा सुधांशु कोइराला, टंकप्रसाद काफ्ले (आशिष), रविन्द्र बहादुर हमाल र सञ्जु कुमारी चौधरी र सहसचिवमा रेणु सिंह ठाकुर, विश्वराज लम्साल, पूर्ण कुमार सिंह ठकुरी (पुरन) र विनोद कुमार थारु प्रतिष्पर्धी छन् ।

कांग्रेस विधान अनुसार सभापतिमा निर्वाचित हुनेले ५० प्रतिशत बढी मत ल्याउनुपर्ने हुन्छ भने अन्य पदमा बढी मत ल्याउने निर्वाचित हुनेछन् । मतदान लगत्तै मगगणना शुरु हुने जनाइएको छ ।

प्रकाशित मिति: बिहीबार, फागुन १९, २०७८ ०९:१८

प्रतिक्रिया दिनुहोस्