कांग्रेस बाँके अधिबेशन:मतदान सुरु भएको २ घन्टामा ३९० मत खस्यो

राजनीति

गृहपृष्ठ
राजनीति
कांग्रेस बाँके अधिबेशन:मतदान सुरु भएको २ घन्टामा ३९० मत खस्यो

कांग्रेस बाँके अधिबेशन:मतदान सुरु भएको २ घन्टामा ३९० मत खस्यो

बिहीबार, फागुन १९, २०७८ बागेश्वरी पोस्ट

नेपालगञ्ज नगर सभापति प्रशान्त बिष्टले मतदान गर्दै

नेपालगञ्ज । नेपाली कांग्रेस बाँकेको नयाँ नेतृत्व चुन्न मतदान जारी छ । नयाँ नेतृत्व चुन्न विहान सवा ९ बजेदेखि जिल्ला समन्वय समितिमा मतदान सुरु भएको हो । मतदान सुरु भएको २ घन्टामा अहिलेसम्म ३९० मत खसेको छ । नेपालगञ्ज नगर सभापति प्रशान्त बिष्टले पनि मतदान गरिसकेका छन् । अहिले मतदाताहरु मतदान गर्न लाइनबद्ध भएर बसेका छन् ।

आज विहान सवा ९ बजेदेखि सुरु भएको मतदानमा सभापतिका उम्मेदवार नारायण प्रसाद गौडेलले पहिलो मतदान गरेका छन् । निर्वाचनमा १४ सय ९३ मतदाता छन् । सभापति, दुई उपसभापति, दुई सचिव तथा दुई सहसचिव र कार्यसमिति सदस्य चुन्न आज मतदान हुन भइरहेको हो । अपरान्ह ४ बजेसम्म मतदान चल्नेछ ।

सभापतिमा तीन जना, उपसभापति, सचिव र सहसचिवमा ४/४ जना उम्मेदवार प्रतिष्पर्धामा छन् । सभापतिका लागि नारायणप्रसाद गौडेल, सुरेन्द्र बहादुर हमाल र बादशाह प्रतिष्पर्धामा छन्। उपसभापतिमा गोपाल प्रसाद अधिकारी, राजकुमार मौर्य, कृष्ण बहादुर कार्की र सुदिपनरसिंह राणा तथा सहसचिवमा सुधांशु कोइराला, टंकप्रसाद काफ्ले (आशिष), रविन्द्र बहादुर हमाल र सञ्जु कुमारी चौधरी र सहसचिवमा रेणु सिंह ठाकुर, विश्वराज लम्साल, पूर्ण कुमार सिंह ठकुरी (पुरन) र विनोद कुमार थारु प्रतिष्पर्धी छन् ।

कांग्रेस विधान अनुसार सभापतिमा निर्वाचित हुनेले ५० प्रतिशत बढी मत ल्याउनुपर्ने हुन्छ भने अन्य पदमा बढी मत ल्याउने निर्वाचित हुनेछन्।मतदान लगत्तै सभापतिको मगगणना शुरु हुने जनाइएको छ ।

प्रकाशित मिति: बिहीबार, फागुन १९, २०७८ ११:३०

प्रतिक्रिया दिनुहोस्