बाँके कांग्रेस सभापतिमा गौडेल र कुर्मीबीच पुनःमतदान

राजनीति

गृहपृष्ठ
राजनीति
बाँके कांग्रेस सभापतिमा गौडेल र कुर्मीबीच पुनःमतदान

बाँके कांग्रेस सभापतिमा गौडेल र कुर्मीबीच पुनःमतदान

सभापतिको प्रतिस्पर्धामा गौडेल पहिलो र कुर्मी दोस्रो नम्बरमा

बिहीबार, फागुन १९, २०७८ बागेश्वरी पोस्ट

बायाँ-नारायण प्रसाद गौडेल र दायाँ-बादशाह कुर्मी

नेपालगञ्ज । नेपाली कांग्रेस बाँकेको नयाँ नेतृत्व चुन्न आज भएको निर्वाचनबाट कुनै पनि उम्मेदवारहरुले ५० प्रतिशत बढी मत ल्याउन नसकेपछि पुनः मतदान हुने भएको छ ।

आज साँझ भएको मतगणनामा संस्थापन इतरका नारायण प्रसाद गौडेलले ५६९ मत ल्याउँदै पहिलो भएका छन् भने उनका प्रतिद्वन्दी बादशाह कुर्मीले ५३८ मत ल्याउँदै दोस्रो नम्बरमा आएका छन् । त्यस्तै सभापतिका अर्का उम्मेदवार सुरेन्द्र हमालले ३१४ मत प्राप्त गर्दै तेस्रो स्थानमा आएका छन् । गौडेल संस्थापन इतरका हुन् भने कुर्मी र हमालले संस्थापन समूहबाट उम्मेदवारी दिएका थिए ।

कांग्रेस विधान अनुसार सभापतिमा निर्वाचित हुनेले ५० प्रतिशत बढी मत ल्याउनुपर्ने भएका कारण आज भएको मतगणनामा पहिलो र दोस्रो हुने गौडेल र कुर्मीबीच पुनः मतदान हुने भएको निर्वाचन परिचालन कमिटीले जनाएको छ ।

कुल १४ सय ९३ मत संख्या मध्ये १४४५ जना मतदाताले मतदान गरेकोमा २४ मत बदर भएको निर्वाचन कमिटीले जानकारी दिएको छ । आज सभापति, दुई उपसभापति, दुई सचिव तथा दुई सहसचिव र कार्यसमिति सदस्य चुन्न बिहान सवा ९ बजेदेखि अपराह्न ४ बजेसम्म मतदान भएको थियो । निर्वाचन कमिटीको छलफलपछि शुक्रबार बिहान १० बजेदेखि ३ बजेसम्म मतदान हुने जनाइएको छ ।

प्रकाशित मिति: बिहीबार, फागुन १९, २०७८ १९:२७

प्रतिक्रिया दिनुहोस्