दोस्रो चरणको बाँके कांग्रेस सभापति मतदान:एक घण्टामा २१५ मत खस्यो

राजनीति

गृहपृष्ठ
राजनीति
दोस्रो चरणको बाँके कांग्रेस सभापति मतदान:एक घण्टामा २१५ मत खस्यो

दोस्रो चरणको बाँके कांग्रेस सभापति मतदान:एक घण्टामा २१५ मत खस्यो

शुक्रबार, फागुन २०, २०७८ बागेश्वरी पोस्ट

सभापतिका उम्मेदवार नारायण प्रसाद गौडेलले मत माग्दै

नेपालगञ्ज । नेपाली कांग्रेस बाँकेको नयाँ नेतृत्व चुन्न दोस्रो चरणको मतदान जारी रहेको छ । नयाँ नेतृत्व चुन्न विहान १० बजेदेखि जिल्ला समन्वय समितिमा मतदान सुरु भएको हो । मतदान सुरु भएको १ घन्टामा २१५ जनाले मतदान गरिसकेका छन् । मतदान गर्नेहरु लामबद्ध भएर बसिरहेका छन् ।

पहिलो चरणको निर्वाचनमा कसैले पनि ५० प्रतिशत बढी मत ल्याउन नसकेपछि आज पुनः दोस्रो चरणमा निर्वाचन भएको हो । सभापतिको दौडमा रहेका नारायणप्रसाद गौडेल, बादशाह कुर्मी र सुरेन्द्र हमाल मध्ये तेस्रो स्थानमा आएका हमाल प्रतिष्पर्धाबाट बाहिरिएपछि गौडेल र कुर्मीबीच मात्र मतदान गराइएको छ ।

विहान १० बजेदेखि शुरु भएको मतदान दिउँसो ३ बजेसम्म चल्ने निर्वाचन समितिले जनाएको छ । मतदान लगत्तै मतगणना शुरु गरिने जनाइएको छ । आजको निर्वाचनले सभापतिको टुंगो लगाउनेछ । हिजो भएको निर्वाचनमा गौडेलले ५६९, कुर्मीले ५३८ र हमालले ३१४ मत पाएका थिए ।

कुल १४ सय ९३ मतदाता मध्ये १४ सय ४५ जनाले मत हालेका थिए । हिजै पदाधिकारी, सदस्य र महासमिति सदस्यहरुको निर्वाचन भइसकेको छ । आज सभापतिको परिणाम आएपछि ती पदहरुको मतगणना शुरु हुनेछ ।

प्रकाशित मिति: शुक्रबार, फागुन २०, २०७८ ११:०६

प्रतिक्रिया दिनुहोस्