दोस्रो चरणको बाँके कांग्रेस सभापतिको मतदान सकियो:१४३९ जनाले गरे मतदान

राजनीति

गृहपृष्ठ
राजनीति
दोस्रो चरणको बाँके कांग्रेस सभापतिको मतदान सकियो:१४३९ जनाले गरे मतदान

दोस्रो चरणको बाँके कांग्रेस सभापतिको मतदान सकियो:१४३९ जनाले गरे मतदान

केहीबेरमा मतगणना हुने

शुक्रबार, फागुन २०, २०७८ बागेश्वरी पोस्ट

नेपालगन्ज । नेपाली कांग्रेस बाँकेको नयाँ नेतृत्व चुन्न शुरु भएको दोस्रो चरणको मतदान सकिएको छ । नयाँ नेतृत्व चुन्न आज विहान १० बजेदेखि जिल्ला समन्वय समितिमा सुरु भएको मतदानमा १४३९ जनाले मतदान गरेका छन् । कुल १४९३ जना मतदाता रहेकोमा जम्मा १४३९ मत खसेको निर्वाचन कमिटीले जानकारी दिएको छ ।

हिजो भएको पहिलो चरणको निर्वाचनमा कसैले पनि ५० प्रतिशत बढी मत ल्याउन नसकेपछि आज पुनः दोस्रो चरणको निर्वाचन भएको हो । सभापतिको दौडमा रहेका नारायणप्रसाद गौडेल, बादशाह कुर्मी र सुरेन्द्र हमाल मध्ये तेस्रो स्थानमा आएका हमाल प्रतिष्पर्धाबाट बाहिरिएपछि गौडेल र कुर्मीबीच मात्र मतदान गराइएको हो । हमाल बाहिरिए पनि उनले पहिलो नम्बरमा आएका सभापतिका उम्मेदवार गौडलको समर्थन गर्दै आफ्ना मतदातहरुलाई मत दिएर गौडेललाई जिताउन आग्रह गरेका थिए ।

विहान १० बजेदेखि शुरु भएको मतदान दिउँसो ३ बजेसम्म मतदान भएको निर्वाचन समितिले जनाएको छ । केहीबेरमा मतगणना शुरु गरिने जनाइएको छ । हिजो भएको निर्वाचनमा गौडेलले ५६९, कुर्मीले ५३८ र हमालले ३१४ मत पाएका थिए ।

कुल १४ सय ९३ मतदाता मध्ये १४ सय ४५ जनाले मत हालेका थिए । हिजै पदाधिकारी, सदस्य र महासमिति सदस्यहरुको निर्वाचन भइसकेको छ । पदाधिकारीहरुको मतगणना पनि केहीबेरमा शुरु हुनेछ ।

प्रकाशित मिति: शुक्रबार, फागुन २०, २०७८ १५:११

प्रतिक्रिया दिनुहोस्