सप्तरी कांग्रेसको मतदानमा २ सय मतपत्र लुटियो

राजनीति

गृहपृष्ठ
राजनीति
सप्तरी कांग्रेसको मतदानमा २ सय मतपत्र लुटियो

सप्तरी कांग्रेसको मतदानमा २ सय मतपत्र लुटियो

आइतबार, फागुन २२, २०७८ बागेश्वरी पोस्ट

नेपालगन्ज । नेपाली कांग्रेसको १४औं महाधिवेशन अन्तर्गत् सप्तरी कांग्रेस अधिबेशनको मतदानमा मतपत्र लुटिएपछि मतदान रोकिएको छ ।

रूपनी गाउँपालिका वडा नम्बर ५ स्थित गजेन्द्रनारायण सिंह औद्योगिक क्षेत्रमा शनिबार बिहान ११ बजदेखि मतदान शुरु भएको थियो । सहजरूपमा ५० प्रतिशत मतदान भइसकेपछि विवाद शुरु भएको निर्वाचन कमिटीले जनाएको छ । मतपत्र च्यातेर दुवै पक्षबीच विवाद भएपछि शनिबार साँझ ५ बजे मतदान प्रक्रिया रोकिएको निर्वाचन अधिकृत रुद्र शर्माले जानकारी दिए ।

उम्मेदवार रहेका संस्थापन र संस्थापन इतर प्यानलबीच विवाद भई मतपत्र च्याताच्यात भएपछि मतदान रोकिएको हो । प्रतिनिधिसभा सदस्य समेत रहेका संस्थापन इतरका नेता तेजुलाल चौधरीले संस्थापन पक्षले नक्कली मतदातालाई मत हाल्न लगाएर धाँधली गर्न खोजेको आरोप लगाए ।

विवादकै क्रममा दुई सय मतपत्र लुटिएको निर्वाचन समितिले जनाएको छ । चुनावमा मतदान गर्ने कुल २५ सय १० मतदाता रहेको जनाइएको छ । मतदानका बारेमा बैठक बसिरहेको निर्वाचन कमिटीले जानकारी दिएको छ ।

प्रकाशित मिति: आइतबार, फागुन २२, २०७८ ०९:१३

प्रतिक्रिया दिनुहोस्