मतगणना सजिलो पार्न चुनाव चिन्हको रङ हरियो हुन्छ: निर्वाचन आयोग

राजनीति

गृहपृष्ठ
राजनीति
मतगणना सजिलो पार्न चुनाव चिन्हको रङ हरियो हुन्छ: निर्वाचन आयोग

मतगणना सजिलो पार्न चुनाव चिन्हको रङ हरियो हुन्छ: निर्वाचन आयोग

बिहीबार, फागुन २६, २०७८ बागेश्वरी पोस्ट

नेपालगन्ज । आउँदो स्थानीय तहको निर्वाचनमा निर्वाचन आयोगले मतपत्रमा चुनाव चिह्नको रङ हरियो बनाउने जानकारी दिएको छ । आयोगले मतगणना गर्दा समस्या नआओस् भन्नका लागि हरियो रङको बनाउने पत्रकार सम्मेलन मार्फत् जनकारी दिएको हो ।

आज निर्वाचन आयोगद्वारा गरिएको पत्रकार सम्म्लेनमा आयोगका सूचना अधिकारी सूर्यप्रसाद अर्यालले मतगणना गर्न सहज होस् भन्ने उद्देश्यका साथ चुनाव चिह्न र स्वस्तिक छापको रङ फरक पारिएको बताए । नेपालको निर्वाचनमा चुनाव चिह्न संकेत गर्न प्रयोग गरिने स्वस्तिक छाप नीलो रङको रहेको छ ।

चुनाव चिह्न र स्वस्तिक छापको रङ एउटै हुँदा राती मतगणना गर्दा गार्हो हुने भएपछि आउँदो ३० वैशाखको स्थानीय तहको निर्वाचनमा रङ फरक पार्न खोजिएको उनेल बताए ।

मतगणना गर्न सजिलो होस् भन्ने उद्देश्यले चुनाव चिह्नको रङ र स्वस्तिक छापको रङमा फरक ल्याउन खोजिएको हो । यदि कसैलाई द्विविधा छ भने प्रष्ट पार्न आयोग तत्पर छ । निर्वाचन आयोगले चुनाव चिह्नको रङ हरियो बनाउने निर्णय गरेपछि नेकपा एमालेका अध्यक्ष केपी शर्मा ओलीले सार्वजनिक रुपमा त्यसको आलोचना गरेका छन् । उनले सत्तारुढ नेपाली कांग्रेसलाई फाइदा हुने गरी आयोगले निर्णय गरेको आरोप लगाएका छन् । यता, नेपाली कांग्रेसका महामन्त्री विश्वप्रकाश शर्माले भने रङसँग नआत्तिन आग्रह गरेका छन् ।

प्रकाशित मिति: बिहीबार, फागुन २६, २०७८ १७:५४

प्रतिक्रिया दिनुहोस्