'घर-घर जाउँ-कांग्रेस जिताऔं' अभियानलाई सार्थक बनाउन गिरीको आह्वान

राजनीति

गृहपृष्ठ
राजनीति
'घर-घर जाउँ-कांग्रेस जिताऔं' अभियानलाई सार्थक बनाउन गिरीको आह्वान

'घर-घर जाउँ-कांग्रेस जिताऔं' अभियानलाई सार्थक बनाउन गिरीको आह्वान

शुक्रबार, फागुन २७, २०७८ बागेश्वरी पोस्ट

नेपालगञ्ज । स्थानीय चुनाव लक्षित एक महिने अभियानका लागि बाँकेमा खटाइएका कांग्रेस केन्द्रीय सदस्य एवम् पूर्व मन्त्री दिपक गिरी आज अपरान्ह नेपालगञ्ज आइपुगे ।

नेपालगञ्ज पुगे लगत्तै अभियानलाई सफल र प्रभावकारी बनाउने विषयमा पार्टी कार्यालयमा आयोजित बैठक, छलफल एबम् अन्तरक्रिया कार्यक्रममा सहभागी भएका गिरीले पार्टीले फागुन २९ गतेदेखि शुरु गर्न लागेको एक महिने 'घर-घर जाउँ, कांग्रेस जिताऔं' अभियानलाई सफल र सार्थक बनाउन सबै पार्टी पंक्ति प्रतिबद्ध भएर लाग्नुपर्ने बताए । बैशाख ३० गते हुने स्थानीय तहको निर्वाचनमा सफलता हासिल गर्न यो अभियान कोशेढुंगा सावित हुने भन्दै उनले हरेक स्थानीय नेता कार्यकर्तालाई जागरुक भएर लाग्न आह्वान गरे ।

केन्द्रीय सदस्य मैकुलाल बाल्मिकी, कांग्रेस बाँकेका सभापति नारायणप्रसाद गौडेल, निवर्तमान सभापति किरण कोइराला, पूर्व सभापति गजेन्द्र हमाल, संविधानसभा सदस्य बादशाह कुर्मी लगायतले अभियानलाई सफल बनाउन सबै एकजुट भएर अघि बढ्नुपर्ने बताएका थिए । बैठक, छलफल एबम् अन्तरक्रिया कार्यक्रममा प्रदेशबाट बाँकेमा खटाइएका प्रतिनिधिहरु, प्रदेश कमिटी सदस्यहरु, जिल्ला कार्यसमिति, क्षेत्रीय सभापतिहरु, महासमिति सदस्य, महाधिवेशन प्रतिनिधिहरु, नगर तथा गाउँ सभापतिहरु, भ्रातृ संगठनका प्रतिनिधि लगायत उपस्थित थिए । सहजीकरण सचिव सुधांशु कोइरालाले गरेका थिए ।

कांग्रेसले स्थानीय चुनाव लक्षित एक महिने अभियान ७७ वटै जिल्लामा एकसाथ सुरु गर्दैछ । फागुन २९ गते अभियान शुरु हुँदैछ । ७७ वटै जिल्लामा एक एक जना केन्द्रिय नेता खटिएका छन् । प्रदेश कमिटीले पनि प्रदेश निर्वाचन क्षेत्रका लागि एक एक जना प्रतिनिधि खटाएको छ ।

प्रकाशित मिति: शुक्रबार, फागुन २७, २०७८ २१:२३

प्रतिक्रिया दिनुहोस्