धनुषा कांग्रेस सभापतिमा योगेन्द्र पजियार निर्वाचित

राजनीति

गृहपृष्ठ
राजनीति
धनुषा कांग्रेस सभापतिमा योगेन्द्र पजियार निर्वाचित

धनुषा कांग्रेस सभापतिमा योगेन्द्र पजियार निर्वाचित

शनिबार, फागुन २८, २०७८ बागेश्वरी पोस्ट

नेपालगन्ज । नेपाली कांग्रेसको १४औं महाधिवेशन अन्तर्गत् धनुषा अधिबेशनबाट कांग्रेस जिल्ला सभापतिमा योगेन्द्र पजियार निर्वाचित भएका छन् ।

दोस्रो चरणको मतदानमा सभापति शेरबहादुर देउवा समूहका सन्तोष यादवलाई पराजित गर्दै विमलेन्द्र निधि समूहका पजियार सभापतिमा निर्वाचित भएका हुन् । उनलाई डा. शेखर कोइराला समूहको समर्थन रहेको थियो । गएराति आएको मतपरिणाम अनुसार पजियारले यादवलाई ६ सय ८९ मतले पराजित गरेका हुन् । कूल खसेको २ हजार ८ सय १४ मत मध्ये पजियारले १ हजार ७ सय ३५ र यादवले १ हजार ४६ मत प्राप्त गरे ।

३३ मत बदर भएको निर्वाचन अधिकृत अरुण ज्ञवालीले जानकारी दिए । ३ हजार १ सय ७३ मतदाता रहेकोमा दोस्रो चरणको निर्वाचनमा २ हजार ८ सय १४ मत खसेको थियो । पजियार धनुषाको क्षिरेश्वरनाथ नगरपालिकाका मेयर समेत हुन् । सोमबार भएको पहिलो चरणको निर्वाचनमा तीनमध्ये सभापतिका कुनै पनि प्रत्यासीले ५० प्रतिशत बढी मत ल्याउन नसकेपछि दोस्रो चरणमा पजियार र यादवबीच प्रतिस्पर्धा भएको हो ।

पहिलो चरणबाट डा. कोइराला पक्षका दिनेश प्रसैला तेस्रो भएपछि दोस्रो चरण प्रवेशबाट बाहिरिएका थिए । उनको पक्षले पजियारलाई समर्थन गरेसँगै पजियार विजयी भएका हुन् । पहिलो चरणमा नतिजा आउन नसकेपछि दोस्रो चरणका लागि शुक्रबार बिहान १० बजेदेखि साँझ ५ बजेसम्म मतदान भएको थियो ।

प्रकाशित मिति: शनिबार, फागुन २८, २०७८ ०८:२५

प्रतिक्रिया दिनुहोस्