आवश्यकता र औचित्यका आधारमा चुनावी तालमेलबारे निर्णय हुन्छः मन्त्री कार्की

राजनीति

गृहपृष्ठ
राजनीति
आवश्यकता र औचित्यका आधारमा चुनावी तालमेलबारे निर्णय हुन्छः मन्त्री कार्की

आवश्यकता र औचित्यका आधारमा चुनावी तालमेलबारे निर्णय हुन्छः मन्त्री कार्की

'गरिबी निवारण र दिगो आर्थिक विकासमा एमसीसीले योगदान पुर्याउने'

शनिबार, फागुन २८, २०७८ बागेश्वरी पोस्ट

नेपालगञ्ज । नेपाली कांग्रेसका केन्द्रीय सदस्य एवम् सञ्चार तथा सूचना प्रविधि मन्त्री ज्ञानेन्द्र बहादुर कार्कीले आवश्यकता र औचित्यका आधारमा सत्ता साझेदार दलहरुका बीचमा चुनावी गठबन्धन गर्ने वा नगर्ने निर्णय पार्टीले लिने बताएका छन् ।

नेपाली कांग्रेस बाँकेको आयोजनामा पार्टी कार्यालयमा अगुवा कार्यकर्ता भेटघाट कार्यक्रमलाई सम्बोधन गर्दै कार्कीले अहिलेको राजनीतिक अवस्थालाई गहिरोसंग विश्लेषण गरेर आवश्यकता र औचित्यका आधारमा स्थानीय तह निर्वाचनमा गठबन्धन गर्ने वा नगर्ने निर्णय लिइने बताए । पार्टीले स्थानीय तहमा जीत हासिल गर्न सके मात्रै प्रदेश र संघमा जित्ने आधार बन्ने बताउँदै उनले स्थानीय निर्वाचन जित्नैपर्छ भन्ने अठोटका साथ लाग्न नेता कार्यकर्तालाई निर्देशन दिए । ३६४ दिन कांग्रेस हुने तर भोट हाल्ने दिन कांग्रेस नबन्दा समस्या देखिएको बताउँदै उनले ३६५ दिन नै 'प्रतिबद्ध कांग्रेस' बन्न कार्यकर्तालाई आग्रह गरे ।

एमसीसीबारे छरिएका भ्रम विस्तारै चिरिँदै गएको बताएका कार्कीले नेपालको गरिबी निवारण र दिगो आर्थिक विकासमा एमसीसीले योगदान पुर्याउने बताए । सार्वभौम संसदको करिब करिब सहमतिमै पास भएको एमसीसीबारे अफबाह फैलाइएको उनको भनाई छ । नेपाल सरकारका प्रबक्ता समेत रहेका कार्कीले एमसीसी सहयोग परियोजना भएकाले यो मुलुकको हितमा रहेको बताए ।

प्रकाशित मिति: शनिबार, फागुन २८, २०७८ २२:१७

प्रतिक्रिया दिनुहोस्