देशभरका ७ वटा नगरपालिका उत्कृष्ट घोषणा

समाचार

गृहपृष्ठ
समाचार
देशभरका ७ वटा नगरपालिका उत्कृष्ट घोषणा

देशभरका ७ वटा नगरपालिका उत्कृष्ट घोषणा

आइतबार, फागुन २९, २०७८ बागेश्वरी पोस्ट

नेपालगन्ज । देशभरिका ७ वटा नगरपालिका उत्कृष्ट घोषित भएका छन् । आज नेपाल नगरपालिका संघको २९औं बार्षिक उत्सवको अवसरमा ७ नगरपालिकालाई ५ विधामा सात वटा नगरपालिकालाई उत्कृष्ट घोषणा गरेको हो ।

नेपाल नगरपालिका संघले संस्थागत विकास, सेवा प्रवाह तथा वित्तीय सुशासनतर्फ स्याङ्जा जिल्लाका वालिङ र पुतलीबजार नगरपालिका उत्कृष्ट भएको जनाएको छ । यस्तै शहरी योजना, पूर्वाधार विकास तथा विपद् व्यवस्थापनतर्फ धादिङ जिल्लाको निकलण्ठ नगरपालिका उत्कृष्ट घोषणा भएको छ।इलाम नगरपालिका वन वातावरण र जयवायु परिवर्तनतर्फ उत्कृष्ट बनेको छ ।

सर्लाहीको हरिवन नगरपालिका स्थानीय आर्थिक विकासतर्फ उत्कृष्ट घोषित भएको छ भने रुपन्देहीको तिलोत्तमा र चितवनको राप्ती नगरपालिका सामाजिक विकासतर्फ उत्कृष्ट बनेका छन् । उत्कृष्ट घोषित भएका नगरपालिकाहरुलाई प्रधानमन्त्री शेरबहादुर देउवाले सम्मानपत्र दिदै बधाई दिएका छन् ।

प्रकाशित मिति: आइतबार, फागुन २९, २०७८ १६:३३

प्रतिक्रिया दिनुहोस्