हलो चुनाव चिन्ह नदिए स्थानीय चुनाव बहिष्कारःराप्रपा अध्यक्ष लिङ्देन

राजनीति

गृहपृष्ठ
राजनीति
हलो चुनाव चिन्ह नदिए स्थानीय चुनाव बहिष्कारःराप्रपा अध्यक्ष लिङ्देन

हलो चुनाव चिन्ह नदिए स्थानीय चुनाव बहिष्कारःराप्रपा अध्यक्ष लिङ्देन

आइतबार, फागुन २९, २०७८ बागेश्वरी पोस्ट

नेपालगञ्ज । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले राष्ट्र र राष्ट्रियताका सवालमा आफ्नो पार्टीले कसैसंग सम्झौता नगर्ने बताएका छन् ।

नेपालगञ्जमा आज आयोजित आमसभालाई सम्बोधन गर्दै अध्यक्ष लिङ्देनले राप्रपाले कहिल्यै पनि राष्ट्रको अहितमा काम नगरेको भन्दै अब आउने चुनावहरुमा जनताले आफ्नो पार्टीलाई जिताउनुपर्ने बताए । हिन्दु राष्ट्र र राजसंस्था राष्ट्रियतासँग गाँसिएको विषय भएको भन्दै उनले यी दुबै विषयमा राप्रपाले निरन्तर वकालत गर्दै आएको बताए । एमसीसी अहिले सामान्य जस्तो लागेपनि भविष्यमा यसले राष्ट्रियतालाई खतरामा पार्ने अध्यक्ष लिङ्देनले जिकिर गरे ।

May be an image of 4 people and people standing

उनले जनताले सत्ता सञ्चानल गर्ने अवसर दिए राप्रपाले नै मुलुकमा समृद्धि ल्याउने दाबी समेत गरे । आफ्नो दललाई हलो चुनाव चिन्ह नदिए आसन्न स्थानीय चुनाव बहिस्कार गर्ने चेतावनी लिङ्देनले दिए । ‘राष्ट्रिय पार्टी नभएको बहानामा हामीलाई चुनाव चिन्हबाट वञ्चित गर्ने षड्यन्त्र भएको छ, यदि निर्वाचन आयोगले हामीलाई हलो चुनाव चिन्ह नदिएको खण्डमा हामी स्थानीय चुनाव बहिष्कार गर्छौं,’ उनले भने ।

राप्रपा बाँकेका अध्यक्ष नरेन्द्र पौडेलको सभापतित्वमा सम्पन्न भएको आमसभालाई पार्टीका केन्द्रीय उपाध्यक्ष मुकुन्द श्याम गिरी, महामन्त्रीद्वय डा.धवलसम्शेर राणा र कुन्तीकुमारी शाही, पूर्व मन्त्रीद्वय प्रेमबहादुर भण्डारी र फत्तेसिंह थारु, पार्टीका सहायक महामन्त्री ऋषिराज देवकोटा, प्रवक्ता ज्ञानेन्द्र शाही, केन्द्रीय सदस्य एवम् अभिनेत्री रेखा थापा लगायतले सम्बोधन गरेका थिए ।

May be an image of 1 person, walking, standing, crowd and outdoors