खजुरामै विश्वविद्यालय हुनुपर्ने भन्दै मुख्यमन्त्रीलाई ज्ञापनपत्र

समाचार

गृहपृष्ठ
समाचार
खजुरामै विश्वविद्यालय हुनुपर्ने भन्दै मुख्यमन्त्रीलाई ज्ञापनपत्र

खजुरामै विश्वविद्यालय हुनुपर्ने भन्दै मुख्यमन्त्रीलाई ज्ञापनपत्र

मंगलबार, चैत १, २०७८ बागेश्वरी पोस्ट

नेपालगञ्ज । बाँकेको खजुरामै प्रादेशिक विश्वविद्यालय सञ्चालन गर्न माग राख्दै प्रादेशिक विश्वविद्यालय स्थापना संघर्ष समितिका संयोजक लुम्बिनी प्रदेश सांसद आरती पौडेलको नेतृत्वमा गएको डेलिगेशन टोलीले लुम्बिनी प्रदेश सरकारलाई ज्ञापनपत्र बुझाएको छ ।

संघर्ष समितिका संयोजक सांसद पौडेल, जिल्ला समन्वय समिति बाँकेका संयोजक अजयकुमार श्रीवास्तव, खजुरा गाउँपालिका अध्यक्ष किस्मत कुमार कक्षपति, शिक्षा क्षेत्रका कबिन्द्र भट्टराई, लेख प्याकुरेल, नेकपा एमाले नेपालगञ्ज नगर कमिटीका अध्यक्ष दत्तप्रसाद आचार्य, प्रेस चौतारी बाँकेका अध्यक्ष दुर्गा रोकाय सहितको डेलिगेशन टिमले लुम्बिनी प्रदेश सरकारका मुख्यमन्त्री कुलप्रसाद केसीलाई ज्ञापनपत्र बुझाएको हो ।

आफ्ना मागलाई बेवास्ता गरी यसको सुनुवाई गर्न अस्वीकार गरिएमा प्रादेशिक विश्वविद्यालय स्थापना संघर्ष समिति कडा भन्दा कडा आन्दोलनका कार्यक्रमहरु सार्वजनिक गर्न बाध्य हुने र उक्त आन्दोलनले सिर्जना गर्ने प्रतिकुल परिस्थितिप्रति प्रदेश सरकार र योजना आयोग स्वयं जवाफदेही हुनुपर्ने ज्ञापनपत्रमा उल्लेख गरिएको छ ।

टोलीले ज्ञापनपत्र बुझाउनुका साथै लुम्बिनी प्रदेशका मुख्यमन्त्री केसी, लुम्बिनी प्रदेश योजना आयोगका उपाध्यक्ष बामदेव क्षेत्रीसंग खजुरामै विश्वविद्यालय बनाउने बिषयमा छलफल गरेको थियो । छलफलका क्रममा आवश्यक जग्गाको उपलब्धता भए बाँकेको खजुरामै प्रदेश विश्वविद्यालय बन्ने लुम्बिनी प्रदेश योजना आयोगका उपाध्यक्ष क्षेत्रीले आश्वस्त पारेको डेलिगेशन टोलीले जनाएको छ ।

प्रकाशित मिति: मंगलबार, चैत १, २०७८ २१:२४

प्रतिक्रिया दिनुहोस्