प्युठानबाट दाङ आउँदै गरेको बस दुर्घटना, एक जनाको मृत्यु, २० जना गम्भीर घाइते

समाचार

गृहपृष्ठ
समाचार
प्युठानबाट दाङ आउँदै गरेको बस दुर्घटना, एक जनाको मृत्यु, २० जना गम्भीर घाइते

प्युठानबाट दाङ आउँदै गरेको बस दुर्घटना, एक जनाको मृत्यु, २० जना गम्भीर घाइते

शनिबार, चैत ५, २०७८ बागेश्वरी पोस्ट

नेपालगन्ज । प्युठानबाट दाङ आउँदै गरेको बस दुर्घटना हुँदा एक वर्षीया बालिकाको मृत्यु भएको छ । बस दुर्घटनामा ३० जना घाइते भएका छन् । घाइते मध्ये २० जनाको अवस्था गम्भीर रहेको छ ।

प्युठानको अरङखोला ढिकावनबाट दाङको घोराहीतर्फ आउँदै गरेको ना३ख ७१३२ नम्बरको बस आज मध्याह्न १२ बजे दुर्घटना भएको प्रहरीले जानकारी दिएको छ ।

बस दुर्घटनामा घोराही उपमहानगरपालिका वडा नं १ की एक वर्षीया अंशु परियारको राप्ती स्वास्थ्य विज्ञान प्रतिष्ठानमा मृत्यु भएको जिल्ला प्रहरी कार्यालय दाङले जनाएको छ । घाइते मध्ये १५ जनालाई उपचारका लागि राप्ती स्वास्थ्य विज्ञान प्रतिष्ठानमा ल्याइएको छ । अरु गम्भीर घाइतेहरुलाई पनि घोराही ल्याइँदै गरेको दाङ प्रहरीले जानकारी दिएको छ । अहिलेवपनि दुर्घटना स्थलमा उद्धार कार्य जारी रहेको प्रहरीले जनाएको छ । तिब्र गतिका कारण बस दुर्घटना भएको प्रहरीले अनुमान गरेको छ ।

प्रकाशित मिति: शनिबार, चैत ५, २०७८ १३:३९

प्रतिक्रिया दिनुहोस्