आजदेखि १ लाख म्यादी प्रहरीको आवेदन खुला

राजनीति

गृहपृष्ठ
राजनीति
आजदेखि १ लाख म्यादी प्रहरीको आवेदन खुला

आजदेखि १ लाख म्यादी प्रहरीको आवेदन खुला

आइतबार, चैत ६, २०७८ बागेश्वरी पोस्ट

फाइल फोटो

नेपालगन्ज । आउँदै गरेको बैशाख ३० गतेको स्थानीय तहको निर्वाचनका लागि १ लाख म्यादी प्रहरीको आवेदन आजदेखि खुला भएको छ ।

आजदेखि देशभरका जिल्ला प्रहरीमा म्यादी भर्नाका लागि कोटा अनुसार आवेदन दिन सक्ने प्रहरी प्रधान कार्यालयले जनाएको छ । आवेदन दिनका लागि १८ वर्ष पूरा भई ५४ वर्ष ननाघेको नेपाली नागरिक हुनुपर्नेछ । आवेदन तोकिएको मितिभित्र बिहान १० बजेदेखि साँझ ५ बजेसम्म दिन सकिनेछ ।

४० दिनका लागि म्यादी प्रहरी भर्ना गर्न लागिएको हो । म्यादी प्रहरीले प्रहरी जवानसरह सुविधा पाउनेछन् । छनोट भएका म्यादी प्रहरीलाई ७ दिन तालिम दिएर खटाउने सरकारको तयारी छ । म्यादी प्रहरीले दैनिक ७५६ रुपैयाँका दरले तलब पाउनेछन् । त्यसबाहेक एकमुष्ट सात हजार रुपैयाँ रासन भत्ता, छ हजार रुपैयाँ पोशाक भत्ता र एक हजार रुपैयाँ यातायात खर्च समेत पाउनेछन् ।

प्रकाशित मिति: आइतबार, चैत ६, २०७८ १०:३१

प्रतिक्रिया दिनुहोस्