अज्ञात समुहद्वारा दुई वडा कार्यालयमा आगजनी

समाचार

गृहपृष्ठ
समाचार
अज्ञात समुहद्वारा दुई वडा कार्यालयमा आगजनी

अज्ञात समुहद्वारा दुई वडा कार्यालयमा आगजनी

सोमबार, पुस १४, २०७६ बागेश्वरी पोस्ट

साङकेतिक तस्बिर

बुटवल ।अज्ञात समुहले दुई वटा वडा कार्यालयमा आगजनी गरेको छ। गए राति अज्ञात समुहले पूर्वीनवलपरासीको कावासोती नगरपालिका १४ वडा कार्यालय र कपिलवस्तुको यशोधरा गाउँपालिकाको ३ नम्बर वडा कार्यालयमा आगजनी गरेको हो ।

कसले आगजनी गरायो भन्ने अहिले खुलेको छैन । अज्ञात समुहको आगजनीबाट कावासोती नगरपालिकाको १४ वडा कार्यालयका फर्निचरलगायतका सामग्री जलेको प्रहरीले जनाएको छ । यस्तै, कपिलवस्तुको यशोधरा गाउँपालिकाको ३ नम्बर वडा कार्यालय त आगजनीबाट पूर्ण रूपमा ध्वस्त भएको छ ।

गाउँपालिकाकी उपाध्यक्ष कन्यावती उपाध्यायका अनुसार, कागजपत्र, फर्निचरलगायतका सबै सामग्री जलेर नष्ट भएका छन् ।यता प्रहरीले आगजनी गर्ने समुहको खोजी कार्य जारी राखेको छ।

प्रकाशित मिति: सोमबार, पुस १४, २०७६ ११:२२

प्रतिक्रिया दिनुहोस्