आदित्यनाथले उत्तरप्रदेशको मुख्यमन्त्रीको दोस्रो कार्यकालका लागि सपथ लिँदै

राजनीति

गृहपृष्ठ
राजनीति
आदित्यनाथले उत्तरप्रदेशको मुख्यमन्त्रीको दोस्रो कार्यकालका लागि सपथ लिँदै

आदित्यनाथले उत्तरप्रदेशको मुख्यमन्त्रीको दोस्रो कार्यकालका लागि सपथ लिँदै

शुक्रबार, चैत ११, २०७८ बागेश्वरी पोस्ट

नेपालगन्ज । भारतको उत्तर प्रदेशको लगातार दोस्रो पटक मुख्यमन्त्री बन्दै योगी आदित्यनाथले कीर्तिमान रचेका छन् । अहिलेसम्म कसैले पनि पहिलो कार्यकाल पूर्णरुपले खाएर दोस्रो कार्यकाल शुरु गर्न पाएका थिएनन् । आज उत्तर प्रदेशको राजधानी लखनउस्थित अटल बिहारी बाजपेयी एकना क्रिकेट रंगशाला हुने सपथ ग्रहण समारोहको तयारी पनि पूरा भएको छ । सपथ ग्रहण कार्यक्रम नेपाली समय अनुसार दिउँसो सवा ४ बजेबाट सुरु हुनेछ ।

लखनउका सबै सडक र चोकहरूमा सपथ ग्रहणसँग सम्बन्धित ठूला होर्डिङ ब्यानर र झण्डा टाँसिएका छन् । शहरका १३० वटा चोक र मुख्य सडकमा लाइटिङको काम भइरहेको छ । लखनउ शहरमा कडा सुरक्षा व्यवस्था मिलाइएको छ । उक्त शपथमा प्रधानमन्त्री नरेन्द्र मोदी, गृहमन्त्री अमित शाह समेत कैयौं केन्द्रीय मन्त्री सहभागी हुनेछन् । १२ भाजपा शासित राज्यका मुख्यमन्त्री पनि सामेल हुनेछन् । यसअघि बिहीबार बसेको भाजपा विधायक दलको बैठकले आदित्यनाथलाई विधायक दलको नेता चुनेको थियो ।

योगीको दोस्रो कार्यकालमा ४५–४६ मन्त्रीले शपथ लिन सक्नेछन् । बिहीबार ५० नेतालाई चियाका लागि बोलाइएको थियो । नयाँ बन्ने मन्त्रिपरिषद्मा १६–१७ जना पुरानो मन्त्रिमण्डलबाट दोहोरिने छन् । त्यस्तै २० नयाँ अनुहार आउने दाबी गरिएको छ ।

प्रकाशित मिति: शुक्रबार, चैत ११, २०७८ १२:०८

प्रतिक्रिया दिनुहोस्