नेपालगन्ज वडा नं १२ को वडा अध्यक्षमा कांग्रेसबाट शाहीको चर्चा

राजनीति

गृहपृष्ठ
राजनीति
नेपालगन्ज वडा नं १२ को वडा अध्यक्षमा कांग्रेसबाट शाहीको चर्चा

नेपालगन्ज वडा नं १२ को वडा अध्यक्षमा कांग्रेसबाट शाहीको चर्चा

शुक्रबार, चैत ११, २०७८ बागेश्वरी पोस्ट

युवा नेता गोकर्ण शाही

नेपालगन्ज । २०७९ बैशाख ३० गते स्थानीय तहको निर्वाचनको मिति घोषणा भएपछि राजनीतिक बृत्तमा उम्मेदवारहरुको चर्चा शुरु भएको छ । राजनीतिक दलका नेताहरुमा चुनावी सरगर्मी सुरु हुँदा नेपालगन्ज उपमहानगरपालिकाको मेयर लगायत वडा अध्यक्ष पदमा पनि विभिन्न व्यक्तिहरुको चर्चा परिचर्चा सुरु भएको छ ।

नेपालगञ्जको वडा नम्बर १२ को वडा अध्यक्षमा नेपाली कांग्रेसबाट आधा दर्जन युवा नेताहरुको चर्चा सुरु भएको छ । नेपालगन्ज १२ बाट आधा दर्जन नेताहरुको चर्चा चलिरहँदा बाँके क्षेत्र नम्बर २ 'ख' बाट कांग्रेस सचिव समेत रहेका युवा नेता गोकर्ण शाहीले अध्यक्ष पदमा उम्मेदवारी दिने कांग्रेस वृत्तमा चर्चा चुलिएको छ ।

२०५४ सालदेखि नेबिसंघबाट आफ्नो राजनीति सुरु गरेका शाही वडा नम्बर १२ बाट अध्यक्ष पदका प्रबल दाबेदार उम्मेदवार बन्न सक्ने कांग्रेस नेताहरु बताउँछन् ।

स्नातकोत्तरसम्म अध्ययन गरेका युवा नेता शाही पार्टीप्रति अहोरात्र खटिँदै सामाजिक कार्यमा समेत आवद्ध छन् । शाहीले १२ नम्बर वडाबाट अध्यक्ष पदको उम्मेदवारी आफूले पाउनुपर्नेमा कुनै शंका नभएको बताएका छन् । वडामा युवाहरुको खाँचो रहेको हुँदा आफ्नो अध्यक्ष पदमा दाबी रहेको बताउँदै शाहीले यसपटक पार्टीले आफूलाई टिकट दिए अध्यक्ष पदमा विजयी हुने बताउँछन् ।

प्रकाशित मिति: शुक्रबार, चैत ११, २०७८ १६:०९

प्रतिक्रिया दिनुहोस्