दाङमा नुहाउने क्रममा डुबेर दुई जनाको मृत्यु

समाचार

गृहपृष्ठ
समाचार
दाङमा नुहाउने क्रममा डुबेर दुई जनाको मृत्यु

दाङमा नुहाउने क्रममा डुबेर दुई जनाको मृत्यु

शनिबार, चैत १२, २०७८ बागेश्वरी पोस्ट

नेपालगन्ज । दाङमा नुहाउने क्रममा डुबेर दुई जनाको मृत्यु भएको छ । घोराही वडा नम्बर २ बलरामपुरका ५० वर्षीय जितबहादुर चौधरीको तलाउमा डुबेर मृत्यु भएको हो । बिहिवार साँझ भैँसीलाई पानी खुवाउन गएका चौधरी तलाउ छेउँमा नुहाउने क्रममा पानीमा डुबेर बेपत्ता भएका थिए ।

जिल्ला प्रहरी कार्यालय दाङको टोलीले खोजी कार्य गर्दा शुक्रबार तलाउको किनारमा चौधरीको शव फेला परेको प्रहरीले जानकारी दिएको छ ।

उता दाङकै राप्ती गाउँपालिका वडा नम्बर १ माथिल्लो भालुबाङको राप्ती नदीमा नुहाउने क्रममा डुबेर अर्घाखाँची सितगंगा नगरपालिका वडा नम्बर ८ लापेका ३० वर्षीय शुक्रराज घर्ती मगरको मृत्यु भएको जिल्ला प्रहरी दाङले जनाएको छ ।

प्रकाशित मिति: शनिबार, चैत १२, २०७८ ०९:५२

प्रतिक्रिया दिनुहोस्