लुम्बिनीको नेतृत्व आलोपालो गर्ने भद्र सहमति कार्यान्वयन गर्न कांग्रेसको माग

राजनीति

गृहपृष्ठ
राजनीति
लुम्बिनीको नेतृत्व आलोपालो गर्ने भद्र सहमति कार्यान्वयन गर्न कांग्रेसको माग

लुम्बिनीको नेतृत्व आलोपालो गर्ने भद्र सहमति कार्यान्वयन गर्न कांग्रेसको माग

शनिबार, चैत १२, २०७८ बागेश्वरी पोस्ट

नेपालगन्ज । लुम्बिनी प्रदेश सरकारको नेतृत्व आलोपालो गर्ने भद्र सहमति कार्यान्वयन गर्न नेपाली कांग्रेसले माग गरेको छ ।

प्रदेशसभा संसदीय दलको वैठकले सर्वसम्मत निर्णय गरी कांग्रेसले नेतृत्व पाउनुपर्ने भद्र सहमति कार्यान्वयनका लागि पार्टी सभापति शेरबहादुर देउवा समक्ष डेलिगेशन जाने निर्णय गरेको हो । माओवादी केन्द्रका नेता एवं सरकारका प्रवक्ता तिलकराम शर्माले भने प्रदेश सरकारको नेतृत्व आलोपालो गर्ने विषय लुम्बिनीको मात्र नभएको बताए । ‘लुम्बिनीको मात्र आलोपालो गर्ने भन्ने होइन, यो सँगै गण्डकीको के गर्ने भन्ने पनि आउँछ,’ शर्माले भने, ‘हामीलाई नेतृत्व छाड्न गाह्रो छैन, तर केन्द्रीय नेतृत्वबीच सहमति हुनुपर्‍यो ।’ आलोपालो सहमति कार्यान्वयन भएमा नेपाली कांग्रेस संसदीय दलका नेता वीरेन्द्र कनौडिया मुख्यमन्त्री बन्नेछन् ।

लुम्बिनीमा नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एकीकृत समाजवादी, राष्ट्रिय जनमोर्चा र एक स्वतन्त्र सांसदसहित गठबन्धन सरकार छ । ८१ सदस्यीय प्रदेशसभामा प्रमुख प्रतिपक्षी एमालेका ३६ सांसद छन् ।

प्रकाशित मिति: शनिबार, चैत १२, २०७८ ११:०२

प्रतिक्रिया दिनुहोस्