नेपालगन्जको प्रभात स्कुलसहित अन्य स्थानमा ट्राफिक प्रहरीको बाँकेको सचेतना कार्यक्रम

समाचार

गृहपृष्ठ
समाचार
नेपालगन्जको प्रभात स्कुलसहित अन्य स्थानमा ट्राफिक प्रहरीको बाँकेको सचेतना कार्यक्रम

नेपालगन्जको प्रभात स्कुलसहित अन्य स्थानमा ट्राफिक प्रहरीको बाँकेको सचेतना कार्यक्रम

सोमबार, पुस १४, २०७६ बागेश्वरी पोस्ट

नेपालगन्ज । जिल्ला ट्राफिक प्रहरी बाँकेले सोमबार नेपालगन्जका विभिन्न स्थानहरुमा ट्राफिक सचेतना सम्बन्धी कार्यक्रम गरेको छ।

सवारी दुर्घटना न्यूनिकरणका लागि ट्राफिक प्रहरीको हरदिन प्रशिक्षण कार्यक्रम अन्तर्गत सोमबार नेपालगन्जको वडा नम्बर १० स्थित भृकुटीनगरमा रहेको प्रभात मेमोरियल हाई स्कुलमा बिद्यार्थीहरुलाई ट्राफिक सचेतना सम्बन्धी क्लास दिएको हो।

जिल्ला ट्राफिक बाँकेका प्रमुख प्रहरी निरीक्षक पबिन्द्र बम लगायत नेपालगन्ज ट्राफिक प्रमुख प्रहरी नायब निरीक्षक ओम पौडेलले प्रभात स्कुलमा विद्यार्थीहरुलाई ट्राफिक नियम,जरिवाना एबम जेब्रा क्रसीङ कसरी गर्ने बारेमा जानकारी दिएका थिए। प्रभात स्कुलमा भएको सचेतना कार्यक्रममा स्कुलका प्रीन्सिपल बिक्रम राज बिष्ट, बागेश्वरीपोस्टका प्रबन्ध निर्देशक गौरब गिरी लगायत अन्य शिक्षकहरुको उपस्थिति रहेको थियो भने ५० भन्दा बढी विद्यार्थीहरुको सहभागिता रहेको थियो।

त्यस्तै ट्राफिक प्रहरीले सोमबार नै जानकी गाउँपालिका वडा नम्बर २ जोगागाउँ स्थित श्री माध्यामिक विद्यालय र वडा नम्बर २ बोगटीया स्थित भृकुटी प्राथमिक विद्यालयमा ट्राफिक सचेतना सम्बन्धी कार्यक्रम गरेको बाँके ट्राफिक प्रमुख बमले बताए। यस्तै ट्राफिक प्रहरीले नेपालगन्जको धम्बोझी चोकमा पैदल यात्रुहरुलाई जेब्रा क्रसीङबाट बाटो कसरी पार गर्ने बारेमा समेत जानकारी गराएको थियो।