नेपालगञ्जमा श्यामानन्द वृहत एकल कला प्रदर्शनी शुरु

समाचार

गृहपृष्ठ
समाचार
नेपालगञ्जमा श्यामानन्द वृहत एकल कला प्रदर्शनी शुरु

नेपालगञ्जमा श्यामानन्द वृहत एकल कला प्रदर्शनी शुरु

शनिबार, चैत १२, २०७८ बागेश्वरी पोस्ट

नेपालगञ्ज । नेपालगञ्जमा आजदेखि श्यामानन्द वृहत एकल कला प्रदर्शनी शुरु भएको छ । नेपालगञ्जका वरिष्ठ कलाकार श्यामानन्द सिंह ठकुरीद्वारा सिर्जित हस्तकला, मुर्तीकला र चित्रकलासहितको निःशुल्क प्रदर्शनीको आज नेपालगञ्ज उपमहानगरपालिका उपप्रमुख उमा थापा मगरले उद्घाटन गरिन् ।

बागेश्वरी मन्दिर पार्क परिसरमा सञ्चालित श्यामानन्द वृहत एकल कला प्रदर्शनी १५ गतेसम्म सञ्चालन हुनेछ । श्यामानन्द कला संस्कृति प्रतिष्ठान, बाँकेद्वारा आयोजित निःशुल्क प्रदर्शनीको विहान ८ वजेदेखि साँझ ७ वजेसम्म अवलोकलन गर्न सक्ने व्यवस्था मिलाइएको छ । उपप्रमुख थापा मगरले कला÷संस्कृतिको संरक्षण, सम्वद्र्धन गर्ने सोच भएपनि सहज बातावरण नबनेको स्विकार्दै श्यामानन्द कला संग्राहलयको स्थापनाको पहल भइरहेको उद्घोष गरिन् । वरिष्ठ कलाकार श्यामानन्दसिंह ठकुरीले आफूले सिर्जना गरेका हस्तकला, चित्रकलाको उचित व्यवस्थापन गरी जीवन्त राखिदिन अपिल गरे । ।

प्रतिष्ठानका अध्यक्ष सागरसिंह ठकुरीको अध्यक्षतामा सम्पन्न कार्यक्रममा उपमहानगरपालिकाका प्रमुख प्रशासकीय अधिकृत जगत बस्नेत, नेपालगञ्ज उपमहानगरपालिका वडा नम्बर २ का वडा अध्यक्ष सुनिलसिंह हमाल, चित्रकार डिवी भण्डारी, बासका अध्यक्ष रमेश सिटौला लगायतका वक्ताहरुले कला संग्राहालय स्थापनामा जोड दिए । प्रदर्शनीमा विभिन्न प्लाष्टिक, दप्ती, कागजबाट निर्मित हस्तकला, मुर्तीकलाका विभिन्न सिर्जनाहरुसँगै चित्रकला पनि राखिएको छ । आजैदेखि प्रदर्शनीको अवलोकनमा उल्लेखनीय सहभागिता रहेको प्रतिष्ठानका अध्यक्ष ठकुरीले जानकारी दिए । कला र कलाकारको सम्मान गर्न आफूसँगै आफ्ना बालबालिकालाई पनि सहभागी गराउन आयोजकले आह्वान गरेको छ ।

प्रकाशित मिति: शनिबार, चैत १२, २०७८ १९:५९

प्रतिक्रिया दिनुहोस्