संघीय निजामती सेवा ऐन जारी गर्न कर्मचारी युनियनको माग

समाचार

गृहपृष्ठ
समाचार
संघीय निजामती सेवा ऐन जारी गर्न कर्मचारी युनियनको माग

संघीय निजामती सेवा ऐन जारी गर्न कर्मचारी युनियनको माग

सोमबार, चैत १४, २०७८ बागेश्वरी पोस्ट

नेपालगञ्ज । नेपाल निजामती कर्मचारी युनियन जिल्ला कार्यसमिति बाँकेले आज ज्ञापनपत्र बुझाएको छ । सहायक प्रमुख जिल्ला अधिकारी टोपेन्द्र बहादुर केसीमार्फत् कर्मचारी युनियनले नेपाल सरकारलाई ज्ञापनपत्र बुझाएको हो ।

जिल्ला अध्यक्ष उद्धब प्रसाद श्रेष्ठको नेतृत्वमा जिल्ला प्रशासन कार्यालय पुगेको कर्मचारीहरुको टोलीले संघीय निजामती सेवा ऐन यथाशिघ्र जारी गर्न बाँके प्रशासनमार्फत् नेपाल सरकारको ध्यानाकर्षण गराएको छ ।

No description available.

संघ, प्रदेश तथा स्थानीय तहको कर्मचारी प्रशासनको व्यवस्थापन एवम् मार्गदर्शन गर्ने छाता कानुनको रुपमा रहेको संघीय निजामती सेवा ऐन जारी नहुँदा मुलुकको सार्वजनिक प्रशासन अन्योल र अस्थिरताको भूमरीमा परेको भन्दै नेपाल निजामती कर्मचारी युनियनले यशाशिघ्र जारी गर्न माग गरेको हो । यस्तो संवेदनशील विषय सरकारको प्राथमिकतामा नपर्नु चिन्ताको विषय भएको ज्ञापनपत्रमा उल्लेख छ ।

कर्मचारीको साझा हित र निजामती प्रशासनको मार्गदर्शनको रुपमा रहेको यो ऐन निर्माणको प्रक्रियामा सरोकारवाला पक्षहरुको अर्थपूर्ण सहभागिता अपरिहार्य रहेको भन्दै सम्बन्धित पक्षसंग सघन छलफल गर्नुपर्ने आवश्यकता पनि औंल्याइएको छ ।

प्रकाशित मिति: सोमबार, चैत १४, २०७८ २१:०५

प्रतिक्रिया दिनुहोस्