राज्यमन्त्री यादवलाई सांसदको थप्पड

राजनीति

गृहपृष्ठ
राजनीति
राज्यमन्त्री यादवलाई सांसदको थप्पड

राज्यमन्त्री यादवलाई सांसदको थप्पड

मंगलबार, पुस १५, २०७६ बागेश्वरी पोस्ट

जनकपुरधाम । नेपाली कांग्रेसकी प्रदेशसभा सांसद प्रमिला देवी दासले प्रदेश २ का भूमि व्यवस्था, कृषि तथा सहकारी राज्यमन्त्री योगेन्द्र यादवलाई थप्पड हानेकी छिन् ।

सांसद दासले मंगलबार दिउँसो राज्यमन्त्री यादवलाई थप्पड हानेकी हुन् । थप्पड खाने राज्यमन्त्री समाजवादी पार्टी नेपालको भातृ संगठन समाजवादी युवा संघको केन्द्रीय अध्यक्ष पनि हुन् ।

प्रदेश-२ मा समाजवादी पार्टी र राजपाले सत्ता साझेदारी गरिरहेका छन् । सोमबारदेखि उपभोक्ता समितिको भुक्तानीलाई लिएर प्रतिपक्षी दलहरु नेकपा र नेपाली कांग्रेसका प्रदेश सभा सदस्यले प्रदेशसभा बैठक अवरुद्ध गर्दै आएका थिए । मंगलबार पनि सरकारको जवाफ माग्दै बैठक अवरुद्ध गरेपछि सदनबाहिर दुई नेताबीच विवाद भएको थियो ।

संसद अवरुद्ध गरे बाहिर निस्केकी सांसद दासले प्रदेश सरकारको काम कारबाहीको चारैतिर विरोध भए पनि सरकार मन्त्री लाज पचाएर बसेको भन्दै आलोचना गरेकी थिइन् । सोही विषमा मन्त्री यादवबीच केहीबेर भनाभन भएको थियो । विवाद बढ्दै जाँदा प्रदेशसभा सदस्य दासले मन्त्रीमाथि थप्पड प्रहार गरेकी प्रत्यक्षदर्शीले जनाए ।

प्रकाशित मिति: मंगलबार, पुस १५, २०७६ १६:५७