नेपालगन्ज ३ का कांग्रेस उम्मेदवारहरु घरदैलोमा ब्यस्त

राजनीति

गृहपृष्ठ
राजनीति
नेपालगन्ज ३ का कांग्रेस उम्मेदवारहरु घरदैलोमा ब्यस्त

नेपालगन्ज ३ का कांग्रेस उम्मेदवारहरु घरदैलोमा ब्यस्त

वडावासीको सेवा गर्दै नमुना वडा बनाउँछु: डा. गुप्ता

आइतबार, वैशाख १८, २०७९ बागेश्वरी पोस्ट

नेपालगन्ज । नेपाली कांग्रेसबाट नेपालगन्ज उपमहानगरपालिका वडा नम्बर ३ का उम्मेदवारहरु घरदैलोमा ब्यस्त छन् । बैशाख ३० गते हुने स्थानीय तहको निर्वाचनका लागि उनीहरु मत माग्न व्यस्त छन् ।

वडा अध्यक्षका उम्मेदवार डा. पंकज कुमार गुप्तासहित वडा सदस्यका उम्मेदवार घरदैलोमा छन् । स्वास्थ्य सेवामार्फत् जनताकै सेवामा लागिपरेका डा. गुप्ता वडावासीको सेवा गर्दै वडा नम्बर ३ लाई नमुना वडा बनाउने उद्देश्यका साथ निर्वाचनमा होमिएको बताउँछन् ।

स्थानीयहरुबाट पाइरहेको हौसला र समर्थनबाट आफूहरु उत्साहित भएको गुप्ता बताउँछन् । फिजियोकेयरका संचालक समेत रहेका डा.गुप्ता सक्रिय युवा नेता हुन् । एक्लैनी, सदरलाइन, बिस्कोरियन टोल लगायतका क्षेत्रमा घरदैलो गरिसकेको डा.गुप्ताले बताए ।

वडा नम्बर ३ मा अध्यक्ष डा.गुप्ता, महिला वडा सदस्यमा रविसा शर्मा हलवाई, दलित महिला सदस्य मिनादेबी धोबी तथा खुला सदस्यहरुमा रामलखन वैश्य र शौकत अली शाह उम्मेदवार छन् ।

प्रकाशित मिति: आइतबार, वैशाख १८, २०७९ १४:१७

प्रतिक्रिया दिनुहोस्